24/05/2024
19.9 C
Tetovo

Të tjera lajme

Sindikata e Postës së Maqedonisë: Nuk ka para për pagat, por punësojnë persona të ri

Sindikata e Postës së Maqedonisë kërkon që drejtori i përgjithshëm të rishqyrtojë dhe të ndalojë vendimin për shpallje publike për punësimin e 31 punëtorëve administrativë për shkak të, siç thonë ata, “gjendjes së keqe financiare me të cilën na rrezikon sigurimin e pagave të rregullta për punëtorët ekzistues”.

“Në këto momente të një krize të rëndë financiare të kompanisë, kur punonjësit e Postës kanë frikë për ruajtjen e vendeve të punës dhe ekzistencën e familjeve të tyre, të shkaktuar nga gjendja e keqe financiare e kompanisë si pasojë e uljes së të ardhurave dhe problemet me të cilat ballafaqohemi në organizimin e operacioneve, drejtori i përgjithshëm i Postës së RMV-së shpall shpallje publike për punësime të reja në administratë të publikuar në gazetat “Sloboden Peçat” dhe “Koha” në botimet e datës 16.02. 2023″, thuhet në deklaratën e Sindikatës së Postës së Maqedonisë.

Nga atje theksojnë se nga dita në ditë po shtohet shqetësimi dhe pasiguria tek të punësuarit, sidomos, siç theksojnë, pasiguria për pagesën e rregullt të pagave brenda afatit ligjor në periudhën e ardhshme, ndërsa shqetëson edhe fakti që është vonuar ekzekutimi i pagës së janarit 2023 dhe nuk është kryer brenda afatit të paraparë ligjor deri më 15 të muajit./Telegrafi/

Të fundit