Kreu i komunës së Tetovë, Bilall Kasami nuk e përjashtoi mundësinë që koalicioni VLEN të heqë dorë nga Akademia Shqiptare, në rast se Akademia e Arteve dhe Shkencës në Maqedoninë e Veriut hapë dyert për shqiptarët. Kasami tha se janë të hapur për çfarëdolloj zgjidhje institucionale për avancimin e shqiptarëve në nivel akademik.
Kryeministri Mickoski paralajmëron fuqizimin e Akademisë së Shkencave dhe Arteve të Maqedonisë, me të cilën siç tha do ta hartojë dhe strategjinë për zhvillimin e shtetit deri në vitin 2050. Për këtë strategji ai kërkoi konsensus nga të gjitha partitë politike. Shkenca, qëllimet dhe strategjia nuk duhet të etnizohen”, deklaroi Hristijan Mickoski – Kryeministër.
Deklarata e kryeministrit Mickoski për mosetnizimin dhe fuqizimin e Akademisw sw Shkencave dhe Artit të Maqedonisw vjen në kohën kur partneri i koalicionit VLEN-i kërkon mbështetje për financimin dhe zgjidhje ligjore për Akademinë Shqiptare, edhe pse zv.kryeministri i parë Izet Mexhiti ditë më parë tha se paralajmërimi i Akademisë Shqiptare për Shkencë dhe Art ishte tentim për presion me qëllim rritjen e përfaqësimit të shqiptarëve në radhët e Akademisw sw Shkencave dhe Artit. / TV KOHA/
