“Liderët partiak duhet të tregojnë përgjegjësi dhe të gjejnë zgjidhje, pasi nuk mundet që shteti në vazhdimësi të jetë në gjendje të jashtëzakonshme”.
Këtë e tha sot kryetari i Kuvendit të Maqedonisë së Veriut Talat Xhaferi, në një intervistë për “Sllobodna TV”. Ai tha se nuk duhet të merret për çudi, nëse në gjendje të jashtëzakonshme mbahen zgjedhjet, përcjell Telegrafi Maqedoni.
“Në lidhje me gjendjen aktuale, e dini se kam thënë se nuk duhet të habitemi nëse vijmë në situatë që edhe në zgjedhje të jashtëzakonshme të kemi zgjedhje, pasi duhet të formohen institucionet adekuate. Nuk mundet që deri në pafundësi të jetojmë në gjendje të jashtëzakonshme dhe të presim që situata vetvetiu të ndryshojë”, tha Xhaferi.
Duke i komentuar aspektet juridike kur vendosi që të mos e kthejë Kuvendin, Xhaferi tha se për shkak të paqartësisë rreth kohëzgjatjes së situatës, në mungesë të skenarit, ad-hoc janë zgjidhur punët.
Duke folur për zgjidhjet e mundshme, Xhaferi tha se votimi (zgjedhjet) mund të zgjasë disa ditë.
Ai shtoi se ka komunikim në mes partive dhe kërkoi përgjegjësi nga ata./Telegrafi/
