Filipçe: Zbutja e masave pas një majit, rekomandimet për distancën fizike do të qëndrojnë gjatë – Tv Koha
Lajmi i Ditës Maqedoni

Filipçe: Zbutja e masave pas një majit, rekomandimet për distancën fizike do të qëndrojnë gjatë

Venko Filipçe, Ministri i Shëndetësisë, sot në një video intervistë për “Deutsche Welle” tha se Qeveria po konsideron dobësimin e masave të lëvizjes pas një majit, por që rekomandimet për distancën fizike do të qëndrojnë për një kohë të gjatë.

“Kemi pasur një takim interesant me OBSH dy ditë më parë me 150 pjesëmarrës. Sipas përvojave të vendeve të ndryshme, të gjithë kanë të njëjtin mendim se jeta me të njëjtën dinamikë nuk do të kthehet në normalitet. Anëtarët e Komisionit për sëmundje infektive do të punojnë me operatorët ekonomikë dhe fabrikat për të parë se si organizohet puna e tyre, si dhe në restorante dhe transport publik. Në normalizimin gradual, distanca fizike do të duhet të respektohet. Vetëm nuk duhet të kemi një kulm të ri të pacientëve, gjë që nuk përjashtohet nëse nuk respektohen kufizimet deri në fillim të vitit të ardhshëm kur pritet të gjendet vaksina”, tha Filipçe.

Ministri tha se masat do të shfuqizohen gradualisht, orari do të shkurtohet. Javën tjetër do të kemi diskutime për këtë. Ne kemi një plan, por ende nuk e dimë datën. Ne e dimë që është e vështirë të qëndrosh në shtëpi, por unë ju bëj thirrje që të përmbaheni.

“Numri i të sëmurëve nuk është definitive dhe nuk mund të mbetet i njëjtë. Ne nuk kemi numrin e rasteve asimptomatike të bartësve të fshehur të virusit, ai do të zbulohet kur do të kalojmë në fazën e imunitetit kolektiv”, tha Filipçe.

Related posts

Në pushim dhe plazh me distancë fizike! Agjencitë turistike kërkojnë ndihmë, anulojnë aranzhmanet

Televizioni Koha

Snopçe: Maqedonasit nuk merren me numrin e tyre, brengë e kanë numrin e shqiptarëve

Televizioni Koha

Nënshkrim i Memorandumit për bashkëpunim me të gjitha komunat dhe Qytetit të Shkupit (drejtpërdrejtë)

Televizioni Koha

Leave a Comment