Një xhami historike përgjatë Bosforit në Stamboll është përfshirë nga flakët të dielën dhe zjarrfikësve turq u janë dashur disa orë për të shuar zjarrin.
Sipas mediave të huaja, përcjell Telegrafi, zjarri shpërtheu rreth orës 13:30 me kohën lokale në Xhaminë Vanikoy të vendosur në rrethin Üsküdar të Stambollit, sipas një deklarate nga guvernatori i zyrës së Stambollit.
Videot e postuara në mediat sociale treguan shtëllunga tymi të zi që ngriheshin nga xhamia e cila është bërë kryesisht prej druri.
Ali Yerlikaya, guvernatori i Stambollit, njoftoi në Twitter se zjarri u shua nga zjarrfikësit lokalë me ndihmën e Rojës Bregdetare Turke.
Ai shtoi se ishte nisur një hetim për atë që shkaktoi flakët në xhaminë që u ndërtua nga një studiues turk, në vitin 1665. /Telegrafi/
🇹🇷 Innalillahi wa innailaihi raaji'uun …
Masjid VANIKOY yg bersejarah yg terletak di Istanbul-Turki terbakar, masjid ini menghadap Bosphorus dan belum diketahui penyebab kebakarannya.
Laa haula wa laa quwwata illaa billahil 'aliyyil adziim. pic.twitter.com/dabgvNZ75d— Fatkur_ISTI (@Isti_fatkur3) November 15, 2020
