Në zonën e Komunës së Karposhit, konkretisht përballë qendrës sportive Boris Trajkovski, janë vendosur rekuizita për një park argëtimi, përfshirë një rrotë panoramike, pa dokumente përkatëse dhe leje të nevojshme, më 20.05.2024, njofton MPB.

“Njësiti për krime ekonomike dhe kompjuterike në SPB Shkup, në koordinim me zyrtarë nga Inspektorati Shtetëror i Tregut, Drejtoria për të hyra publike dhe inspektori ndërtimor nga Komuna e Karposhit, kanë dalë në vendngjarje dhe kanë ndërmarrë masa dhe aktivitete konkrete përkatëse në kuadër të kompetencat dhe kompetencat e tij”, thonë nga MPB.

Përkatësisht, nga ana e shërbimeve inspektuese, pas masave dhe aktiviteteve të ndërmarra dhe gjendjes faktike të konstatuar është përpiluar procesverbal për gjendjen e konstatuar, ndërsa inspektor i autorizuar ndërtimor nga Komuna e Karposhit ka iniciuar procedurë për parregullsitë e konstatuara, pas së cilës do të merren masa konkrete në drejtim të largimit të të njëjtit, ndërprerjes së ushtrimit të veprimtarisë, si dhe zhvendosjes së rekuiziteve.,  Portalb.mk

Kur të përfundojnë negociatat me “Vlenin”, do të hapet mundësia për bisedime me Lëvizjen ZNAM të Maksim Dimitrievskit, tha anëtari i Komitetit Ekzekutiv të VMRO-DPMNE-së, Antonio Milloshoski në një paraqitje i ftuar në televizionin Alfa.

Këtë e tha Milloshoski i pyetur për deklaratat e liderit të partisë Hristijan Mickoski se kanë 61 deputetë, ndërsa me rivotimin e së mërkurës në shtatë vendvotime në zonën e pestë dhe të gjashtë, VMRO-DPMNE pret të ketë 62 mandate në Kuvend.

“Po, është e saktë deklarata e kryetarit Mickoski se në këtë moment VMRO-DPMNE ka konsoliduar 61 deputetë. Me rivotimin e të mërkurës dhe shansin real për të marrë deputetin e njëmbëdhjetë në njësinë e pestë zgjedhore, VMRO-DPMNE tashmë do të konsolidojë 62 deputetë. Më pas vazhdojnë negociatat me koalicionin “Vlen” që ka 13 deputetë dhe ka mundësi të fitojë edhe të katërmbëdhjetin. Dhe kur të përfundojnë ato negociata, mendoj se do të hapet mundësia e bisedimeve me partinë politike ZNAM”, thotë Milloshoski.

Anëtari i udhëheqësisë së VMRO-DPMNE-së tha se është koha që BDI të shkojë në opozitë sepse ajo vetë ka shkelur rregullin e koalicionit fitues me fituesin.

Sipas Milloshoskit, BDI dhe lideri i saj Ali Ahmeti duhet të përgatiten për një tranzicion paqësor dhe të civilizuar si në çdo vend evropian.

“Vetë parimet që BDI i imponoi në vitin 2016, pra vetë parimet që i shkeli, tani BDI nuk ka të drejtë t’i referohet asgjëje dhe prandaj mendoj se është mirë të përgatitemi për një tranzicion paqësor, të qytetëruar si në çdo vend evropian”, tha ai.

Duke komentuar deklaratat e ardhura nga “Fronti Evropian” i udhëhequr nga BDI-ja dhe lideri Ahmeti se inxhinieringu zgjedhore është bërë me rivotimin në disa vendvotime, Milloshoski është i mendimit se BDI-ja ka bërë inxhiniering zgjedhor me tentativën për të bojkotuar raundin e dytë të zgjedhjeve presidenciale.

“Të flasësh për inxhinierig zgjedhore nga një njeri që në raundin e dytë të votimit për zgjedhjet presidenciale e nisi ditën si strukturë në BDI, me bojkot të organizuar për të prishur votimin, kjo tashmë është inxhinierig zgjedhore. Shihet se BDI-ja tashmë e ka humbur busullën dhe është e qartë se Ahmeti ndoshta është më i ndikuar nga Artan Grubi, Bujar Osmani dhe disa njerëz të tjerë të atij krahu të biznesit sesa nga njerëzit më racionalë në BDI, të cilat zbatojnë një politikë konvencionale”, tha Milloshoski.

Ndryshe, para rivotimit të nesërm për zgjedhjet parlamentare në shtatë vendvotime në njësitë zgjedhore 5 dhe 6, sot votojnë personat e sëmurë dhe të pafuqishëm, të burgosurit si dhe personat e vendosur në shtëpi jashtëfamiljare. Të drejtë vote në këto qendra votimi kanë gjithsej 4.521 votues.

Zgjedhjet e njëmbëdhjeta parlamentare në RMV u mbajtën me 8 maj 2024. Sipas rezultateve, VMRO-DPMNE fitoi 58 deputetë, Fronti Evropian 19, LSDM 18, VLEN 13, E Majta 6 dhe Znam 6. Përbërja e re e Kuvendit duhet të konstituohet më së voni 20 ditë pas zgjedhjeve.Portalb.mk

Këshilli Gjyqësor i Republikës së Maqedonisë së Veriut në seancë urgjente në mesnatë ia ka marrë imunitetin gjykatësit suprem Naqe Georgiev, me çka e miratoi paraburgimin e tij, ndërsa e largoi edhe nga ushtrimi i funksionit gjykatës.

Siç njoftuan nga Këshilli Gjyqësor, në seancën urgjente 487 të mbajtur më 21 maj të vitit 2024, Këshilli debatoi dhe vendosi rreth kërkesës së Gjykatës Themelore Penale Shkup për marrjen e imunitetit të gjykatësit dhe për aprovimin e arrestit të gjykatësit.

“Këshilli gjyqësor, e ka marrë imunitetin e gjykatësit të Gjykatës Supreme të RMV-së, për shkak të zhvillimit të papenguar të procedurës penale. E miratoi kërkesën për aprovim të paraburgimit të gjykatësit të Gjykatës Supreme të RMV-së të parashtruar nga një gjykatës në procedurë paraprake të Gjykatës Themelore Penale Shkup dhe përkohësisht e largoi nga kryerja e funksionit të gjyqtarit në Gjykatën Supreme të RMV-së, deri në përfundim të plotfuqishëm të procedurës penale”, theksohet në kumtesë.

Georgiev dje u ndalua pasi është kapur në flagrancë me 10 mijë euro, që dyshohet se janë mitmarrje për procedurë gjyqësore.

Ai dyshohet se ka premtuar masa lehtësuese në procedurën gjyqësore e cila udhëhiqet kundër ish kryetarit të Novo Sellës, Boro Stojçevit i cili është arrestuar herën e fundit për kontrabandim të marihuanës./tv21.tv

Në shtatë vendvotime në njësitë zgjedhore 5 dhe 6, persona të sëmurë dhe të pafuqishëm, si dhe të burgosur, sot votojnë para rivotimit të nesërm për zgjedhjet parlamentare në shtatë vendvotime.

Rivotimi do të bëhet në vendvotimet 2101 në Zhelinë, 1194 në Krushevë, 1202 gjithashtu në Krushevë, 1272 në Ohër, 1470 në Dollnen, 1470/1 gjithashtu në Dollneni, si dhe në 1844 në Strugë.

Të drejtë vote në këto qendra votimi kanë gjithsej 4521 votues. Në vendvotimin 2101 në Zhelinë të drejtë vote kanë 993 votues, në vendvotimin 1194 në Krushevë të drejtë vote kanë 470 votues, në 1202 gjithashtu në Krushevë 298, në 1272 në Ohër 712, në Dollnen në vendvotimin 1470 – 659, ndërsa në 1470/1 – 634 dhe në vendvotimin 1844 në Strugë 755 votues.

Sot votojnë të sëmurit dhe të pafuqishmit, personat që vuajnë dënim me burg, si dhe personat e sistemuar në shtëpitë për kujdes jashtëfamiljar. Katër të sëmurë dhe të pafuqishëm janë paraqitur që të votojnë në vendvotimin 2101 në Zhelinë, 20 në vendvotimin 1194 në Krushevë, tetë në 1202 në Krushevë, dy në vendvotimin 1272 në Ohër, shtatë në vendvotimin 1470 në Dollnen, dy në 1470/1 gjithashtu në Dollnen dhe katër të sëmurë dhe të pafuqishëm në vendvotimin 1844 në Strugë.

Gjithsej pesë persona të cilët janë duke vuajtur dënimin me burg, mund të votojnë në burgjet në Prilep dhe Shkup ndërsa dy persona do të mund të votojnë në shtëpitë e të moshuarve në Manastir dhe Karposh.

Për shkak të përsëritjes së votimit për zgjedhjet parlamentare 2024 në shtatë vendvotime në Njësitë zgjedhore 5 dhe 6, Agjencia për Shërbime Mediatike Audio dhe Audiovizuele (ASHMAA) dje njoftoi transmetuesit nacionalë dhe transmetuesit që transmetojnë program në zonën e Ohrit, Krushevës, Strugës, Dollnenit dhe Zhelinës se për ata vlejnë obligimet për heshtje zgjedhore, e cila fillon nga sonte në mesnatë dhe do të zgjasë deri në orën 19 të datës 22 maj 2024.

Gjatë kohës së heshtjes, mediat vazhdojnë të raportojnë për procesin zgjedhor, por ndërpriten të gjitha format e përfaqësimit zgjedhor mediatik të pjesëmarrësve në fushatën zgjedhore.

Sipas Kodit Zgjedhor, për shkelje të heshtjes zgjedhore llogaritet transmetimi i çdo informacioni, fotografie, materialeve audio dhe audioviziuele që lidhen ose në të cilat marrin pjesë pjesëmarrës në zgjedhje, çdo formë e raportimit mediatik që është i hapur ose i fshehur në funksion të fushatës së dikujt dhe mund të ndikojnë në vendimin e zgjedhësve, të dhëna që zbulojnë identitetin e subjektit politik dhe/ose individë të përfshirë në incidente ose parregullsi në ditën e votimit; si dhe deklarata nga kandidatët në procesin zgjedhor, nga përfaqësues të partive politike dhe nga bartësit e funksioneve në organet qeveritare.

Komisioni Shtetëror i Zgjedhjeve e ka anuluar votimin në këto shtatë vendvotime, ndërsa vendimin e ka konfirmuar edhe Gjykata Administrative. KSHZ-ja i ka ndryshuar gjithashtu edhe anëtarët e këshillave zgjedhorë në këto vendvotime.

Kryetari i BDI-së Ali Ahmeti thotë se nuk është problemi se Frontit Evropian me të cilin udhëheq ai po i merren dy deputetë, por problemi qëndron tek siç thotë ai marrëveshjet politike nëpër bodrumet e kuqe. Ai shtoi se marrëveshjet e tilla janë të dëmshme dhe do t’i demaskojë në kohë. Ahmeti para takimit me kryesinë qendrore të BDI-së shtoi se në KSHZ anëtarët shqiptarë janë mbivotuar.

“Nuk është çështja këtu a i humbën apo i fiton Fronti Evropian dy mandate. Fronti Evropian ka fituar zgjedhjet më 8 maj 2024. Ajo fitore është vulosur më 8 maj. Të gjitha akrobacionet politike dhe marrëveshjet e fshehta nëpër podrumet e kuqe që bëhen janë të papranueshme dhe janë të dënueshme sepse po bëjnë hap pas. Asnjë hap pas nuk duhet të tolerohet por të gjitha palët duhet të reflektojnë. Ne i dimë të gjitha marrëveshjet politike nëpër podrumet e kuqe dhe në të ardhmen do të dalim në detaje për të gjitha marrëveshjet dhe do t’i demaskojmë në opinion”, tha Ali Ahmeti, Kryetar i BDI-së.

Koalicioni VLEN vlerëson se Gjykata Administrative i vërtetoi akuzat për të cilat opozita shqiptare kishte kontestuar procesin zgjedhor. Sipas përfaqësuesit juridik, Betim Ameti të dyja kontestimet e tyre u vërtetuan, duke shtuar se pret që rivotimi të jetë në rregull dhe pa pengesa.

“Aktvendimi i Gjykatës Administrative vërtetoi edhe një herë akuzat tona, të cilat u vërtetuan në shkallë të parë me vendimin e Komisionit Shtetëror të Zgjedhjeve. Vlerësoi se Vendimi i Gjykatës Administrative është i drejtë dhe në përputhje me Kodin Zgjedhor dhe Ligjin për Kontestet Administrative. Pas hapjes së materialit të besueshëm zgjedhor, gjykata konstatoi shkeljet si: Mospërputhje mes numrit të fletëve të votimit të përdorura dhe numrit të votuesve dhe aplikimi jo i duhur i aparatit për identifikimin biometrik të qytetarëve”, tha Betim Ameti, përfaqësues juridik i VLEN-it./alsat.mk/

Ministri i Punëve të Brendshme, Pançe Toshkovski u shpreh se punonjësi i MPB-së është kapur me ryshfet prej 12.500 eurove.

Siç informoi MPB-ja, Sektori për kontroll të brendshëm, hetime kriminele dhe standarde profesionale në koordinim me Sektorin për polici kriminele pas denoncimit nga tre persona të dëmtuar dhe më 17.05.2024 I.M. është kapur në momentin e marrjes së 12.500 eurove, paraprakisht në mënyrë kriminalistike të përpunuara, të cilat i janë dhënë për gjoja ndërmjetësim për marrje të banesave sociale nga kategoria B.

Lidhur me veprën penale është kryer bastisje në hapësirat zyrtare të cilat i ka përdorur e denoncuara me ç’rast është gjetur dokumentacion i dyshuar më vëllimor i cili është i lidhur me veprën penale në lloj në dokumenteve të ndryshme për të cilët ekziston dyshim se janë të falsifikuara, marrëveshje të ndryshme për hua, marrëveshje për ndërmjetësim të ndarje të banesave sociale, fleta pronësore, si dhe fletore me dorëshkrime në të cili është mbajtur evidencë për personat për të cilët janë kryer punë të caktuara.

Gjithashtu, gjatë bastisjes në shtëpinë e saj në fshatin Bukoviq, i kryer me urdhër gjyqësor, janë gjetur edhe sekusetruar armë zjarri dhe municion.

Personi është nxjerrë para gjykatësit të procedurës paraprake, i cili përcaktoi masë kujdesi, marrje të dokumentit të udhëtimit dhe ndalesë për braktisje të Qytetit të Shkupit.

Sipas Prokurorisë, nga prilli i vitit 2023, duke shfrytëzuar marrëdhënie të njëjtë të përhershme dhe raste të njëjta, e dyshuara ka mashtruar tre persona, të cilëve rrejshëm u është prezantuar si shefe në stacionin policor Gazi Babë dhe anëtare e Komisionit për shpërndarje të banesave sociale. Tre personave të dëmtuar të papunë u ka premtuar se do t’ju ndërmjetësojë që të marrin banesa sociale në Lisiçe me çmim më të ulët se ai real, duke iu kërkuar që t’i paguajnë nga 12.000 euro për banesë dhe 3.000 euro për ndërmjetësim dhe përgatitje të dokumentacionit. Të hollat ua kanë dhënë disa herë, ndërsa gjatë pagesës së fundit të 12.500 euro, në afërsi të stacionit policor, është kapur menjëherë pas dorëzimit të të hollave.

Për rastin mëngjesin e sotëm, përmes profilit të tij në Fejsbuk informoi edhe ministri teknik i Punëve të Brendshme Pançe Toshkovski.