Dy fitore të skuadrave vendase, një barazim dhe pesë fitore të ekipeve mysafire me gjithësejt 19 gola të shënuar është epilogu i ndeshjeve të javës së 27-të në Ligën e dytë të futbollit vendor,
Tre skuadra pretendente për kreun e tabelës Bregallnica, Skopje dhe Shkëndija e Haraçinës kanë regjistruar fitore sipas planit , ndërsa Ohri pësoi humbje.
Në derbin e kësaj jave në Autokomandë, Skopje mundi 1-0 Ohrit, po me të njëjtin rezultat, Bregallnica në Strumicë, mundi Bellasicën.
Shkëndija e Haraçinës ka regjistruar fitore me shifrat 8-2 kundër Vardarit të Negotinës dhe vazhdon të mbajë hapin arritjes së objektivit për një nga tre vendet e para që siguron kualifikim në elitë gjegjësisht balotazhin për kualifikim në ligën e pare.
Në xhiron e 28-të Shkëndija është mysafire e Bregallnicës në Shtip.
Pas ndeshjeve të javës 27-të, tabelën e kryeson Bregallnica me 64 pikë para Shkëndijës së Haraçinës dhe Skopje që kanë nga 62 pikë, ndërsa Ohri në pozitën e katërt me 59 pikë
