Qyteti i Durrës dhe Qendra Kulturore e Fëmijëve, nga data 28 deri 31 Maj janë nikoqire të Edicionit të 21-të Turneu Mbarëkombëtarë futbollit për fëmijë U-15 me moton “Durrësi 2026”.
Me moton ‘’Shoqërimi i së sotmes është paqja e së nesërmes’’ nga data 28 deri më 31 maj në Durrës mbahet edicioni i 21-të Turneut mbarëkombëtar i futbollit për fëmijë U-15.
Qëllimi parësor i këtij ka qenë, është dhe do të mbetet, shoqërimi i ndërsjellë, krijimi kushteve që fëmijët futbollin ta shohin si argëtim dhe lojë, për të krijuar kushte për progres individuale dhe zhvillimin e kreativitetit.
Në këtë manifestim gjithëkombëtar tradicionalisht marrin pjesë reprezentacionet e Tetovës , Pejës, Ulqini, Bujanocit dhe nikoqir i këtij edicioni Durrësi, ndërsa ekzistojnë gjasat që të pranishëm të jenë edhe një ekip i Arbëreshëve të Zarës.
“Turneu i 21-të me radhë mbahet në Durrës nga 28 deri më 31 maj. Siç e dimë janë pesë ekipe nga pesë shtete, pra Tetova, Ulqini, Peja, Bujanoci dhe Durrësi, kurse sipas informatave që i kemi për herë të dytë do të marrin pjesë edhe Arbëreshët e Zarës, të cilët do të madhështojnë këtë aktivitet” deklaroi koordinatori Muzafer Livoreka
Me qëllim të paraqitjes dinjitoze reprezentacioni i Tetovës që kësaj radhe me kohë ka filluar përgatitjet duke zhvilluar edhe ndeshje kontrolluese
“Siç e dini, si zakonisht ne fillojmë me përgatitje një muaj para nga data e fillimit të manifestimit, pra ne fillojmë me përgatitje dhe seleksionimin. Selektori për këtë vit është Halim Hodai, përafërsisht ai që 20 ditë që bën seleksionim, kështu që edhe sot e ka lënë një ndeshje mes reprezentacionit të Tetovës dhe Shkëndijës, pastaj ka një ndeshje tjetër, dhe do të vijë deri në atë ekipin që ka 18 lojtarë që do i marr me vete në këtë turne” tha Muzafer Livoreka
