Java e fundit e kampionatit në Ligën e parë të futbollit vendor që zhvillohet të shtunën, do të përcakton cila nga dy skuadrat AP Brera apo Besa do të luan në barazh për të mbetur në elitë
Kampionati në Ligën e parë të futbollit vendor përfundon të shtunën me ndeshjet e xhiros së 33-të. Sa i përket epilogut të këtij kampionati çdo gjë u bë e ditur javën e kaluar kur ekipi i Shkëndijës me fitoren kundër Rabotniçkit siguroi titullin kampion, ndërsa dihet se në pozitën e dytë dhe të tretë janë të sigurt Sileksi dhe Rabotniçki. Me largimin e ekipeve Voska Sport dhe Gostivarit nga garimi dilema e vetme në xhiron e fundit është se cila skuadër do të luanë në balotazh për të mbetur në elitë. Dy ekipet që në javën e fundit do të mundohen ti ikin barazhit janë AP Brera e cila aktualisht ka 31 pikë dhe klubi i futbollit Besa e Dobërdollit me 30 pikë. AP Brera të shtunën përballet me Rabotniçkin në Strumicë, ndërsa Besa është mysafire e Pelisterit në Manastir. Pra çdo gjë do të mësohet nga epilogu i këtyre dy sfidave në Strumicë dhe Manastir. Klubi i futbollit Besa pavarësisht situatës është duke punuar që të del fitues në Manastir por edhe eventualisht për ndeshjen e barazhit, këtë e pohoi kapiteni Armend Alimi
“{Normalisht është ndeshja e fundit e kampionatit, është ndeshje e rëndësishme për ne. Ne shkojmë për ta fituar për ti marrë tre pikët e fundit. Shpresojmë se të jenë të mjaftueshme për të mbetur direkt në ligë, e nëqoftëse jo atëherë na pretë ndeshja e barazhit të jemi sa më të përgatitur dhe të motivuar maksimalisht” deklaroi ARmend Alimi ka[pitetn e KF Besa.
Në xhiron e fundit të shtunën me fillim në ora 17:00 në javën e 33-të dhe të fundit të kampionatit takohen: Shkëndija – Sileksi, AP Brera – Rabotniçki, Pelisteri – Besa dhe Tikveshi – Struga.
SHABAN SINANI – TV KOHA
