19/06/2024
20.2 C
Tetovo

Të tjera lajme

AUV Maqedoni: Për shkak të rrezikut të mundshëm për shëndetin, tërhiqen nga tregu një grup produktesh nga bambuja

Agjencia e Ushqimit dhe Veterinarisë ka tërhequr një grup produktesh bambuje nga tregu i Maqedonisë, për shkak të rrezikut të mundshëm për shëndetin e njerëzve.

Prodhues i këtyre pjatave dhe kupave është DOREL nga Franca, ndërsa importues në Maqedoni është “BEBE HOME VIB DOOEL” nga Shkupi. Arsyeja e tërheqjes është pasiguria e grupit të produktit.

“Njoftojmë konsumatorët se në bazë të një njoftimi të marrë nëpërmjet sistemit RASSF (me numer 2023.00120) dhe pas kontrollit po tërheqim nga tregu produktet e pasigurta: pjata bambu, kupa bambu, pjata te thella, pjata me ndarje dhe sete. Arsyeja e tërheqjes janë produkte të pasigurta të bëra nga fibra bambuje, me rrezik potencial për shëndetin e njeriut. Importues në RMV: BEBE HOME VIB DOOEL, ul. Rampo Levkata nr.6 Shkup, prodhues – DOREL Francë. Konsumatorët e fundit që kanë blerë produktet e mësipërme nuk duhet t’i përdorin ose t’i kthejnë ato në vendin ku janë blerë”, njoftojnë nga AUV.

Ndryshe, vitet e fundit popullariteti i produkteve të bambusë është përhapur tek prindërit, të cilët janë në kërkim të një materiali të qëndrueshëm dhe gjithnjë e më shumë po zgjedhin enët e tavolinës për fëmijë nga ky bar i gjatë, shpjegojnë ekspertët botërorë.

Bambuja mund të rritet dhe korret pa shkaktuar dëme të mëdha në mjedis – vazot e bambusë janë të lehta, praktikisht të pathyeshme dhe të disponueshme në dizajne shumëngjyrëshe. Në tregti ka një gamë të gjerë produktesh bambuje me motive argëtuese për fëmijë.

Të fundit