24/05/2024
13.4 C
Tetovo

Të tjera lajme

Avokatët e Boki 13: Gjendja shëndetësore e tij është alarmante

Avokatët e Bojan Jovanovskit Boki-13 paraditen e sotme kanë reaguar në lidhje me gjendjen shëndetësore të klientit të tyre. Nëpërmjet një kumtese thonë se gjendja shëndetësore e të dënuarit në rastin “Haraçi” është alarmante.

Kjo vjen pasi Jovanovski të martën (7 mars) u dërgua në Klinikën e Gastroenterohepatologjisë për ekzaminim ku, siç pohojnë avokatët e tij mbrojtës, i është sugjeruar që të kryhet një operacion për heqjen e plotë të lukthit.

“Të gjeturat nga gastroskopia e kryer janë referuar dhe miratuar nga kolegjiumi i ekspertëve të Klinikës në Shkup. Jeta e të dënuarit Bojan Jovanovski është vënë në rrezik, sepse është e sigurt se në çdo moment do të krijohet një komplikacion fatal për jetën e tij, kështu që në vend të procedurës ligjore kemi situatën e lojërave të fatit nga organet kompetente ndërsa jeta e të dënuarit Bojan Jovanovski vihet në bast”, thuhet mes tjerash në reagimin e ekipit mbrojtës të Boki 13.

Të fundit