Zëvendëskryeministri për çështje ekonomike, Fatmir Bytyqi në “10 Minuta” në TV21 deklaroi se rritja e çmimeve ka vazhduar, dhe kësaj duhet t’i vihet fundi.
“Ne kemi konstatuar se gjatë kësaj periudhe, edhe përskaj masave qeveritare për ndihmë edhe të sipërmarrësisë, dhe qytetarëve, fatkeqësisht tendenca për rritjen e çmimeve ka vazhduar. Thamë se duhet t’i vihet fundi, se interesi i qytetarëve duhet të jetë në vend të parë”, tha Bytyqi.
Ndërsa i pyetur se a do të arrijë të ndërtohen për katër vjet 110 km autostradë, Bytyqi me përgjigje:
“Unë jo vetëm që jam optimist, por jam i bindur se ajo çfarë nënshkruhet sot, do të realizohet në periudhën kohore të caktuar dhe se gjatë fillimit të vitit 2028, do të udhëtojmë në të gjitha drejtimet që janë caktuar, dhe ai është i gjithë Korridori 8 me autostradë, Korridori 10D. Vetëm për t’ua kujtuar, Prilep – Manastir është autostradë, një autostradë moderne. Kjo nënkupton që Shkupi dhe pjesa perëndimore do të jetë gjithë autostradë”, tha Bytyqi.
