Ekonomia e Bashkimit Evropian këtë vit mund të ulet nga 5 deri 10 për qind, si rezultat i pandemisë së koronavirusit, deklaroi sot eurokomisari për industri, Tieri Breton.
“Sot, tregohet se në Bashkimin Evropian mund të vërejmë rënie të ekonomisë prej 5 deri 10 për qind, që do të thotë rreth 7,5 për qind”, tha Breton në intervistë për televizionin “Frans 2”.
“Por, kjo vlen sot”, theksoi eurokomisari, duke shtuar se në rast të valës së dytë të epidemisë, situata mund të përkeqësohet.
“Gjithçka varet nga shpejtësia e rikuperimit të ekonomisë. Ende jemi në jehonën e pandemisë dhe do të mësojmë të jetojmë me të disa muaj”, shtoi Breton. ab/
