17/06/2024
25.9 C
Tetovo

Të tjera lajme

Grubi: 50 milionë euro për komunat, kujdesemi për jetë më të mirë

Zëvendëskryeministri i parë i Qeverisë, Artan Grubi njoftoi se në seancën e fundit qeveritare është miratuar vendim për shpërndarjen e mjeteve në vlerë prej 50 milionë euro për rregullim të infrastrukturës ujore në komuna.

Ja postimi i tij:

✅Në seancën e fundit të mbajtur të Qeverisë miratuam vendimin për shpërndarjen e mjeteve në vlerë prej 50 milion eurove të siguruara nga Banka Evropiane Investuese, të cilat do të investohen në përmirësimin e infrastrukturës ujore në komunat e vendit.

🔜Këto mjete së shpejti do t’u ndahen si donacion të gjitha komunave, përfshirë këtu edhe komunat e Qytetit të Shkupit përmes Ministrisë së Ambientit Jetësor dhe Planifikimit Hapësinor për realizimin e investimeve prioritare për:

👉🏻rrjetet e ujësjellësit,

👉🏻rrjetin e kanalizimeve,

👉🏻stacione të pastrimit të ujërave të zeza, si dhe

👉🏻pajisje për përmirësimin e infrastrukturës ujore në territorin e tyre.

Një pjesë e mjeteve, respektivisht nga 200 mijë euro do të ndahen në mënyrë të barabartë për të gjitha komunat, ndërsa pjesa tjetër е mjeteve do të përcaktohet në bazë të numrit të banorëve që ata kanë”, njoftoi Grubi. (INA)

Të fundit