13/04/2024
19.6 C
Tetovo

Të tjera lajme

Kompania amerikane e kërkimeve gjenetike: Janë vjedhur të dhënat personale të 6,9 milionë përdoruesve

Kompania e kërkimeve gjenetike “23andMe” me qendër në shtetin amerikan të Californias njoftoi se hakerët kanë vjedhur informacione personale të afërsisht 6,9 milionë përdoruesve në tetor, transmeton Anadolu.

Sipas gazetës “The Hill”, zëdhënësi i paemëruar i kompanisë bëri një deklaratë në lidhje me të dhënat që u deklaruan “të vjedhura” në tetor.

Zëdhënësi i kompanisë njoftoi se është arritur qasje në të dhënat personale të rreth 5,5 milionë përdoruesve në bazën e të dhënave të kompanisë, e cila ofron shërbime të “zbulimit familjar”.

Duke deklaruar se hakerët gjithashtu kanë pasur qasje në të dhënat e profilit të pemës familjare që përmbanin informacione të identitetit të 1,4 milion njerëzve, zëdhënësi tha se të dhënat e njerëzve të lidhur me rreth 14.000 llogari ishin “vjedhur”, ndërsa të dhënat e shumë më tepër njerëzve u aksesuan.

Kompania njoftoi në tetor se “të dhënat ishin vjedhur” dhe se po hetonte çështjen.

Pas përfundimit të hetimit, u raportua se hakerët kishin akses në llogaritë e 0,1 për qind të përdoruesve të saj (afërsisht 14.000 llogari)./aa.com.tr/

Të fundit