Një fitore e vendase, katër barazime dhe një fitore e ekipit mysafirë me gjithsejtë 9 gola të shënuar është epilogu i ndeshjeve të ndeshjeve të javës së 7- në Ligën e parë të futbollit vendor . Pas ndeshjeve të javës së 7-të tabelën e kryeson Gostivari me 15 pikë para Shkëndijës që ka 14 pikë.
Dështimet e ekipeve kryesuese në xhiron e 7-të në Ligën e parë të futbollit vendor, sollën edhe ndryshime në renditjen e tabelës sidomos pas fitores Gostivarit ndaj Shkëndijës në ndeshjen e zhvilluar në Maxhari, ku skuadra vendase Gostivari shënoi fitore të sigurt nda kuqezinjve tetovar 3-1.
Autor të golave për ekipin e Gostivarit ishin Ajdogan, Simonovski dhe Balde nga penaltia, ndërsa golin e nderit për kuqezinjtë e shënoi Besart Ibraimi. Pas ndeshjes trajneri Jeton Beqiri tha se përkundër disa rasteve të humbura ne duhet ta pranojmë humbjen
JETON BEQIRI – TRAJNER I KF SHKËNDIJA prej 0.52
“Mendoj që edhe përkundër gabimeve të cilat ndodhin në futboll, ju ndodhin edhe futbollistëve e portierëve edhe më të mëdhenjë, ne duhet ta pranojmë këtë fakt. Normal ndikon në ndeshje, pasi ne sikur ta kishim barazuar rezultatin në pjesën e parë me aty dy raste që kishim dhe shtyllën, pastaj edhe në pjesën e dytë, besoj që edhe ndikimi i gabimeve do të ishte më i vogël. Por gabimet janë pjesë e lojës, ne duhet t’i pranojmë, duhet t’i analizojmë, të stërvitemi dhe të punojmë çdo ditë, pasi para nesh kemi ndeshjen e ardhshme të cilën duhet ta përgatisim më së miri dhe duhet të japim maksimumin.”
Skuadra kampione në fuqi, Struga Trim Lum edhe nga takimi me Voska Sport në Ohri arriti të nxjerr vetë barazim duke luajtur 1-1. Jahja shënoi për Voskën, ndërsa barazoi Radeski. Gjithsesi me ndarjen e pikëve duhet të mbeten të kënaqur dy skuadrat
Në stadiumin e Çairit, Shkupi barazoi me Besën e Dobërdollit. Për skuadrën e Besës pika e fituar ka vlerën madhe për rrjedhën e mëtutjeshme të kampionatit
Ndeshjet AP Brera – Tikveshi dhe Pelisteri – Rabotniçki përfunduan me barazim pa gola, ndërsa në ndeshjen e fundit që u zhvillua nën dritat e reflektorëve në arenën “Todor Proeski”, Vardari pësoi humbje 0-1 nga Sileksi.
Pas kompletimit të javës së 7-të, tabelën e kryeson Gostivari me 15 pikë, para Shkëndijës që ka 14 dhe Rabotniçkit me 13 pikë.
Rezultatet e javës së shtatë
Gostivari – Shkëndija 3-1
AP Brera – Tikveshi 0-0
Pelisteri – Rabotniçki 0-0
Voska Sport – Struga Trim Lum 1-1
Shkupi – Besa e Dobërdollit 1-1
Vardari – Sileksi sonte në ora 20-të
Tabela:1. Gostivari 15 pikë, 2.Shkëndija 14, 3. Rabotniçki 13, 4.Struga Trim Lum 11, 5. Sileksi 9 (-1 lojë), 6.Shkupi 9, 7.Pelisteri 9, 8.AP Brera 8, 9.Vardari 7 (-1 ndeshje), 10. Besa 5, 11.Tikveshi 5, 12.Voska Sport 5 pikë.
Në xhiron e 8-të luhet më 29 shtator ( diel) në ora 14:00. Takohen: AP Brera – Pelisteri, Besa e Dobërdollit – Voska Sport, Rabotniçki – Shkupi, Shkëndija – Vardari, Struga Trim Lum – Gostivari dhe Tikveshi – Sileksi./TV KOHA/ Shaban Sinani
