20/03/2023
12 C
Tetovo

Të tjera lajme

Malet në rajonin e Mekës kanë marrë një ngjyrë të gjelbër pas reshjeve të mëdha të shiut në Arabinë Saudite

Malet në rajonin e Mekës të Arabisë Saudite kanë marrë një ngjyrë të gjelbër pas reshjeve të mëdha të shiut që ranë në mbretërinë e Gjirit në javët e fundit.

Në videot e shpërndara në mediat sociale, rajoni malor që rrethon qytetin e shenjtë mund të shihet i mbuluar me gjelbërim dhe bimë, shumë larg nga natyra e zakonshme e thatë, shkruajnë mediat e huaja, përcjell Telegrafi.

Dhe pamjet e pazakonta të maleve tërhoqën vëmendjen edhe të përdoruesve në rrjetet sociale të cilat postuan pamje të gjelbërimit të ri të qytetit, duke mbledhur mijëra shikime në mediat sociale.

Veç kësaj, sauditët u përgjigjën me fotot dhe videot e tyre të gjelbërimit mbresëlënës, i cili ishte shtrirë në rajone të tjera, duke përfshirë Laith, Taif dhe Jeddah.

Reklama

Shumë prej tyre shprehën frikën dhe dëshirën e tyre që natyra e re të ruhet, me një përdorues të Twitter-it duke thënë: “Falënderimi i qoftë Zotit dhe vetëm falë Zotit, i lutemi të Plotfuqishmit që të përjetësojë [gjelbërimin] si një bekim për ne dhe ta mbrojë atë nga zhdukja”. /Telegrafi/

Të fundit