Moti sot do të jetë kryesisht me vranësira, me reshje shiu, më të rrëmbyeshme në pjesët jugore (mbi 25 l/m2). Do të fryjë erë e lehtë deri mesatare, ndërsa në pjesët lindore do të fryjë erë e fortë nga juglindja (mbi 60 km/h). Temperatura minimale do të jetë në interval prej 5 deri në 11, ndërsa maksimalja do të arrijë nga 8 deri në 14 gradë.
Në Shkup do të mbajë mot me vranësira me reshje të kohëpaskohshme të shiut. Do të fryjë erë mesatare, herë pas here e fortë nga drejtimi juglindor. Temperatura minimale do të zbresë deri në 8, ndërsa ajo maksimale do të arrijë deri në 14 gradë.
Sipas DPHM, gjatë fundjavës do të mbajë mot kryesisht i qëndrueshëm dhe me rritje graduale të temperaturës ditore. Të shtunën do të ketë kushte për reshje të dobëta lokale shiu, ndërsa të dielën do të mbajë mot me diell dhe relativisht ngrohtë. Reshje të reja priten në fillim të javës së ardhshme.
