25/07/2024
15.8 C
Tetovo

Të tjera lajme

Ndryshimet kushtetuese, VMRO s’merr në konsideratë porosinë e ShBA-ve

Pas deklaratave të diplomatit amerikan, Gabriel Eskobar, që nga pozita në Maqedoninë e Veriut, pret të shohë përkushtim më të madh për rrugën evropiane të vendit, ka reaguar VMRO-DPMNE. Sipas tyre, qëndrimi për ndryshimet kushtetuese mbetet i pandryshuar dhe kërkojnë që presioni i bashkësisë ndërkombëtare duhet të fokusohet në luftën kundër krimit dhe korrupsionit dhe jo në ndryshimet kushtetuese.

“Rruga euro-itegruese për VMRO-DPMNE-në nuk ka alternativë, ashtu siç nuk ka alternativë lufta kundër krimit dhe korrupsionit. Qëndrimi i VMRO-DPMNE-së për amendamente kushtetuese është i qartë, preciz dhe i pandryshueshëm. Presim që përfaqësuesit e Komunitetit Ndërkombëtarë të reagojnë më ashpër kundër krimit, korrupsionit dhe qeverisjes tmerrësisht të keqe.”, – thanë nga VMRO-DPMNE.

Kovaçevski: Sinjale pozitive nga deputetët e opozitës

Kryeministri Dimitar Kovaçevski, pas kthimit nga vizita në ShBA, tha se mesazhet e përfaqësuesve të lartë amerikanë janë të qarta dhe nuk pret që opozita ta mbështesë për interesat e qytetarëve dhe të shtetit.

“E vetmja gjë që mund të bëjë është ta ngadalësojë për interes personal, një ngadalësim të tillë e kemi pasur tashmë për 11 vjet, për të cilin kemi kuptuar se askush nuk ka pasur asnjë përfitim, më së paku ata që e kanë penguar procesin. Për këtë arsye, ata shprehën shqetësimin për bllokadën që po bën opozita në Kuvend, jo vetëm në këtë proces, por edhe në procese të tjera. Nuk pres mbështetje, sepse kemi dy koncepte të ndryshme politike, por dallimet ideologjike nuk mund të jenë pengesë për interesat kombëtare.”, – deklaroi kryeministri i Maqedonisë së Veriut, Dimitar Kovaçevski.

Kovaçevski tha që mbetet optimist se procesi i ndryshimeve kushtetuese do të përfundojë deri në nëntor. Ai thotë se nuk ka pasur bisedime të drejtpërdrejta për t’i bindur deputetët, por ritheksoi se ka sinjale pozitive nga deputetët e opozitës që do të mbështesin ndryshimet.

FARIJE DAUTI BAKIJU

Të fundit