Në gjysmën e dytë të këtij muaji dhe në Pollog, sidomos në mëngjes dhe
në mbrëmje, ka temperatura relativisht të ulëta, të cilat tashmë kanë
filluar sezonin e ngrohjes, jo vetëm nëpër shtëpi, por edhe në dyqane
komerciale, objekte publike e të ngjashme.Për shkak të kësaj, mundësitë
e shpërthimit të zjarrit janë rritur ndjeshëm këto ditë, para së gjithash si
pasojë e pakujdesisë njerëzore, instalimeve elektrike të vjetra dhe të
rrënuara, furrave me defekt dhe oxhaqeve të papastruar në kohë në
shtëpi apo objekte banimi.Nga ana e Sektorit të punëve të brendshme
Tetovë sërish apelojnë qytetarët për vigjilencë maksimale, gjegjësisht të
mos i lenë të ndezura aparatet ngrohëse kur nuk janë prezent për një
kohë të gjatë nëpër shtëpi apo në vendet e punës, sidomos ngrohëset,
kondicionerët apo shporet me dru. Sepse mjafton vetëm një shkëndijë e
vogël për të ndezur një zjarr të madh me pasoja të rënda materiale dhe të
tjera. Kjo vlen veçanërisht për ndërtesat e banimit, ku lokalizimi i
zjarreve është shumë më i vështirë dhe për shkak të mungesës së
pajisjeve të nevojshme në shumë prej tyre dhe aksesit të vështirë në
ndërtesa, kryesisht për shkak të ndërtimeve apo arsyeve të tjera.Pronarët
e shtëpive dhe qiramarrësit në ndërtesa këshillohen të kontrollojnë dhe
pastrojnë oxhaqet të paktën dy herë në vit, por edhe të mos
mbingarkojnë instalimet duke ndezur disa pajisje elektrike
njëherësh.Shkaktimi i rrezikut të përgjithshëm paraqet vepër penale për
të cilin sipas nenit 288 të Kodit Penal, në varësi të rrethanave dhe
pasojave, parashikohet dënim me burg nga gjashtë muaj deri në pesë
vjet, e nëse është bërë nga pakujdesia, dënimi me burgim është deri në
tre vjet./Tv Koha/
