Beti Baziana, partneria e kryeministrit grek Aleksis Cipras, vizitën e parë historike të një kryeministri grek në vendin tonë, e shfrytëzoi që të vendosë lule në varrin e grekut Zorba në varrezat në Butel të Shkupit.

Baziana vendoi lule në varrin e njeriut i cili është lartësuar përmes fjalëve të shkrimtarit grek Nikos Kazandzakis në romanin “Aleksis Zorbas”.

Georgis Zorbas në vitin 1922 së bashku me vajzën Ekaterina nga Selaniku me tren kanë ardhur në Shkup ku kanë qëndruar që të jetojnë deri në vdekjen e tij në vitin 1941. Është varrosur në afërsi të Shkupit, dhe më vonë stërnipërat e tij i kanë transferuar eshtrat e tij në varrezën familjare në Butel.

FOTO: ANA-MPA

Pas një procedure hetimore ndërkombëtare, prokurori kompetent i Prokurorisë Publike Themelore për përndjekjen e krimit të organizuar dhe korrupsionit në Gjykatën Themelore Shkup 1 – Shkup shtroi aktakuzë kundër tre personave, shtetas të Maqedonisë. Personat ngarkohen se kanë kryer vepër penale “Organizimin e një grupi dhe nxitjen e zbatimit të veprave tregti me njerëz, tregti me fëmijë dhe kontrabandimin e emigrantëve” dhe vepër të vazhduar penale “Kontrabandimin e emigrantëve”.

Siç kumtoi Prokuroria Publike Themelore, në periudhën nga qershori 2016 deri në gusht 2018 i dyshuari i parë, si organizator i grupit kriminel së bashku me shtetas të tjerë të Maqedonisë dhe të huaj, ka siguruar dokumente të falsifikuara të emigrantëve potencial të cilët nuk kanë mundur të marrin viza të rregullta për SHBA-në dhe Kanadanë. Ai për përfitime, duke bërë dokumente të rrejshme për udhëtim, në mënyrë ilegale ka bartur emigrantë përmes kufirit tonë shtetëror dhe përmes një rute të dakorduar paraprakisht i ka dërguar në Guatemalë, Meksikë, Kostarikë që të munden prej atje përmes vendkalimit ilegal – kufirit të ashtuquajtur të gjelbër nga Meksika të mbërrijnë në vendet e destinacionit përfundimtar – SHBA dhe Kanada.

Gjatë gjysmës së parë të vitit 2017, i dyshuari i parë së bashku me dy të dyshuarit e tjerë si pjesë e një grupi ndërkombëtar kriminel i përbërë prej personave nga Shqipëria, Spanja dhe shtete të tjera, nga lakmia kanë krijuar dhe organizuar grup për kontrabandimin e emigrantëve.

Gjatë vitit 2017 dhe gjysmës së parë të vitit 2018, grupi pasi fillimisht do të realizonte takim të drejtpërdrejtë me emigrantët potencial – shtetas shqiptarë dhe tanë, ka bërë rekrutimin e tyre me ç’rast u ka organizuar udhëtim të plotë prej vendeve amë, përmes vendeve anëtare të Bashkimit Evropian dhe Republikës Dominikane, deri tek vendet e destinacionit final SHBA dhe Kanada. Grupi ka siguruar dokumente të falsifikuara për emigrantë potencial, ka rezervuar dhe blerë bileta për autobusë dhe transport me aeroplan, ka rezervuar dhe paguar akomodim të përkohshëm të emigrantëve në hotele/motele dhe hostele në vendet e kësaj rute. Për veprimet e ndërmarra, organizatorët e grupit kriminel kanë marrë pagesa në të holla prej emigrantëve në shumë prej 20.000 deri në 25.000 dollarë për një emigrant.

Të dyshuarit si organizatorë të grupit kriminel e kanë planifikuar numrin e emigrantëve ilegal, zakonisht nga dy deri në katër persona, të cilët është dashur të kontrabandohen, e kanë dakorduar periudhën kohore dhe rutën nëpër të cilën do të realizohet kontrabandimi i emigrantëve përkohësisht do të qëndrojnë. E kanë dakorduar mënyrën e sigurimit të garancisë dhe pagesën e shumës së dakorduar pas arritjes së emigrantëve në vendet e destinacionit final.

Duke e pasur parasysh llojin, peshën dhe lartësinë e mundshme të dënimit për vepra ndëshkuese për të cilat ngarkohen të akuzuarit, prokurori kompetent me aktgjykimin shtroi edhe propozim të veçantë për vazhdimin e masës arrest për të akuzuarit me qëllim të zbatimit të papenguar të procedurës penale. shk/

Kryeministrat e Republikës së Maqedonisë së Veriut dhe të Greqisë, Zoran Zaev dhe Aleksis Cipras dhe ministra të dy qeverive sot në Shkup kanë nënshkruar më shumë marrëveshje për intensifikimin e bashkëpunimit bilateral.

Zaev dhe Cipras në kuadër të seancë së përbashkët të Këshillit të Lartë për bashkëpunim mes dy vendeve kanë nënshkruar plan aksionar për forcimin e bashkëpunimit gjithëpërfshirës konform Marrëveshjes së Prespës.

Marrëveshje për bashkëpunim në sferën e mbrojtjes mes ministrisë së Mbrojtjes së Republikës së Greqisë dhe Republikës së Maqedonisë së Veriut nënshkruan ministrja e Mbrojtjes Radmilla Shekerinska dhe kolegu i saj, Evangelos Apostolakis.

Memorandum për bashkëpunim mes Sekretariatit për çështje evropiane dhe MPJ-së greke për përshpejtimin e integrimit të Republikës së Maqedonisë së Veriut në BE nënshkruan zëvendëskryeministri për çështje evropiane Bujar Osmani dhe zëvendësministri për Punë të Jashtme të Greqisë, Ksija Anagstopolou.

Memorandum për mirëkuptim mes Ministrisë për Transport dhe Lidhje të dy vendeve nënshkruan ministrat resor, Goran Sugarevski dhe Hristos Spircis.

Marrëveshje për hapjen e vendkalimit të ri kufitar mes dy vendeve për lidhjen mes Majdanit dhe Promahejt në Greqi, nënshkruan zëvendësministri i MPJ-së Andrej Zhernovski dhe ministri alternativ i MPJ-së greke, Ksija Anagstopolou. fab/

Ministrja e Drejtësisë, Renata Trenevska-Deskoska para raundit të sotëm të ri të negociatave për Ligjin për prokurorinë publike me të cilin duhet të zgjidhet statusi i ardhshëm i Prokurorisë Speciale Publike deklaroi se mund të pritet përparim nëse përfaqësuesit e VMRO-DPMNE-së janë të gatshëm t’i respektojnë rekomandimet e komunitetit ndërkombëtar, por nëse mbeten në qëndrimet e veta, atëherë nuk sheh shpresë se diçka e posaçme do të ndodhte.

Ajo në deklaratë për mediemet, dhënë para konferencës “Angazhim i përbashkët për arritje më të mira në gjyqësi” edhe njëherë përsëriti se nuk dakordohet me atë se duhet të përfundojë misioni dhe puna e PSP-së, por se si shtet do të dërgojmë porosi serioze nëse mundësojmë funksionim të përhershëm të PSP-së.

“Rekomandimet të cilat i morëm janë shumë të qarta dhe janë bërë publikisht se atë që do ta vlerësojë komuniteti ndërkombëtar, do ta vlerësojë si hap pozitiv, por edhe si vendosshmëri në luftën kundër krimit dhe korrupsionit, është dërgimi i sinjalit se asnjë qeveri nuk duhet të frikësohet nga lufta kundër korrupsionit sepse secili lloj i veprimit të paligjshëm në suaza të cilës do qeveri duhet të jetë i ndëshkuar me organizim të prokurorisë publike e cila do t’i ndjekë kryesit e korrupsionit të lartë. Në ligjin tonë është vendosur si Prokurori speciale publike e cila do t’i ruajë kapacitetet dhe do t’i fitojë kompetencat dhe garancat e zgjeruarapër veprimin e vet të ardhshëm”, deklaroi Deskoska.

Ajo shtoi se do të bëjnë përpjekje që të arrihet shumicë prej dy të tretave në Kuvend për votimin e këtij ligji.

“Është çështje e grupeve të deputetëve dhe partive politike nëse do të duan t’u bashkangjiten proceseve eurointegruese apo prioritetin do ta vendosin në mbrojtjen e krimit në radhët e veta”, deklaroi Deksoska.

Edhe gjykatësja Margarita Caca Nikollovska konsideron se PSP duhet të vazhdojë të punojë në drejtim të përcaktimit të asaj çka ka qenë krim dhe të asaj çka nuk ka qenë krim.

“Nuk mund të pranojmë situata deri dje materialet e përgjuara të jenë një nga dëshmitë, ndërsa tani përnjëherë të sjellim vendim që ato dëshmi duhet të lihen anash”, deklaroi gjykatësja Caca Nikollovska.

Posaçërisht është me rëndësi, sipas saj, cili do organ që do të veprojë, të implementohen standardet e procedurës së drejtë. ab/

Kandidati për president, Blerim Reka, në konventën e mbrëmshme në Sheshin Skënderbeu, ka kërkuar nga shqiptarët të mos bien në ndikimin e atyre që mundohen t’i bindin që ende nuk ka ardhur koha të votojnë për vetveten.
“Kjo është besëlidhja aq e munguar nga Shkupi i Hasan Prishtinës dhe Nënë Terezës”, ka thënë mes tjerash Reka, duke shtuar se po shkruhet një histori e re dhe se po lidhet besa për Republikën.
“Mos lejoni që me votën tuaj të largoni edhe të rinjtë e fundit idealistë që ende besojnë në idenë shqiptare. Votoni kundër korrupsionit, nepotizmit dhe drejtësisë selektive. Por sidomos, votoni kundër aksham pazareve me votën tuaj nga patriotët tenderistë”, ka porositur Reka.

https://www.facebook.com/pr.blerimreka/videos/273389603603520/?t=0

Gjykimi për lëndën “Talir” të prokurorisë Speciale Publike në të cilën të akuzuar janë Nikolla Gruevski, Kiril Bozhinovski dhe Mile Janakieski të cilët ngarkohen për “keqpërdorim të pozitës dhe autorizimit zyrtar” dhe “larje parash”, si dhe Ilia Dimovski dhe Leko RIstoski të akuzuar vetëm për veprën “larje parash” është shtyrë për më 16 prill. Për veprën e njejtë, si subjekt juridik me aktakuzën është përfshirë edhe partia VMRO-DPMNE.

Avokatët e të akuzuarve kërkuan nga gjykatësi Osman Shabani ta shtyjë seancën me arsyetimin se me PSP-në janë dakorduar t’u dorëzojnë CD me dëshmi verbale të dëshmitarëve sipas të cilave edhe do ta përgatisnin mbrojtjen.

Në fillim të gjykimit të sotëm, prokurorja Lençe Ristovska kërkoi nga gjykata ta ndajë procedurën për të akuzuarin Nikolla Gruevski i cili ndodhet në arrati, me qëllim të, siç tha, zhvillimit të papenguar të procesit.

Sipas aktakuzës, ata në mënyrë joligjore morën së paku 4,6 milionë euro për partinë, e më pas organizuan që paratë të paguhen në xhiro-llogari të partisë përmes fletëpagesave nga njerëz të ndryshëm. ab/

Sot në Shkup u mbajt seminari njëditor për vlerësimin gjinor, i përkrahur nga OSBE, i cili u fokusua në mënyrat për përforcimin e pjesëmarrjes së grave në parlament.

Në seminar morën pjesë rreth 30 pjesëmarrës, përfshi deputetë nga Komisioni parlamentar për Mundësi të Barabarta ndërmjet Grave dhe Burrave, nga Klubi Parlamentar i Grave, si dhe nga stafi tjetër i parlamentit. Ky aktivitet u organizua në bashkëpunim të ngushtë me Institutin Demokratik Kombëtar (NDI).

“Barazia gjinore nuk ka të bëjë thjesht me numrin e grave dhe burrave të përfaqësuar, por gjithashtu ka të bëjë me ndjeshmërinë gjinore gjatë hartimit të ligjeve, mbikëqyrjen  e përgjegjësisë gjinore të politikave dhe praktikave të Shërbimit të Parlamentit,” tha Shefi i Misionit të OSBE-së në Shkup, Clemens Koja.

Deputetja Daniela Rangelova, kryetare e Komisionit parlamentar për Mundësi të Barabarta ndërmjet Grave dhe Burrave, tha: “Parlamenti po ndërmerr aktivitete të rëndësishme në lidhje me fuqizimin e gruas dhe krijimin e mekanizmave efikase institucionale gjinore, si dhe lidhur me politikat publike në vend.”

“Ky seminar na ofroi njohuri të reja dhe do të na udhëzojë lidhur me aktivitetet e ardhshme që do të ndërmerren. Tani është e qartë se ekziston nevojë për një qasje më sistematike në lidhje me integrimin gjinor në parlamentin tonë. Ne presim me padurim të punojmë me OSBE-në për sfidat e identifikuara gjatë diskutimit të sotëm.”

Misioni do të analizojë të dhënat e mbledhura gjatë punëtorisë për vlerësimin gjinor dhe do të përgatisë një raport të detajuar me një plan veprimi që do t’i dërgohet parlamentit për shqyrtim.

Në përplasjen e dy automjeteve në traun e pikës së pagesës në autostradën Tetovë-Gostivar në mëngjes humbi jetën një grua 51-vjeçare nga Kërçova, informoi Sektori i Punëve të Brendshme – Tetovë. Aksidenti ka ndodhur rreth orës 06:45.

“Në pikën e pagesës që është në afërsi të Tetovës midis dy kabinave ndodhi një aksident rrugor mes dy automjeteve. “Mercedes” me targa të Ohrit i drejtuar nga një grua 51-vjeçare, banore e Kërçovës dhe “folsvagen tuareg” me targa të Dibrës i drejtuar nga një 37-vjeçar, banor i qytetit. Për shkak të përplasjes së dy automjeteve në vend jetën e ka humbur gruaja nga Kërçova e cila ka qenë vetëm në automjet”, deklaroi Marjan Josifovski, zëdhënës i SPB-së Tetovë.

Shoferi i automjetit tjetër, si dhe tre bashkudhëtarë prej 32, 36 dhe 62 vjet kanë marrë lëndime të ndryshme trupore dhe janë transferuar në spitalin e Klinikës së Tetovës.

“Për shkak të seriozitetit të lëndimeve të gjithë janë mbajtur për mbikëqyrje në spital”, tha Josifovski.

Kontroll në vendin e ngjarjes kanë bërë nëpunësit e SPB-së në Tetovë dhe prokuroria publike. Me urdhër të prokurorit publik, trupi i gruas është dorëzuar për autopsi. Policia filloi hetimin për caktimin e arsyeve për aksidentin. aa/mp/

Kryetari i PDSH-së, Menduh Thaçi, bashkë me anëtarët e Shtabit Qendror të partisë për zgjedhjet presidenciale, mbajti mbledhje me shtabin e degës së PDSH-së në Tetovë.

Në mbledhje, siç thuhet në kumtesën e PDSH-së, u bisedua për çështjet organizative, aktivitetet dhe strategjinë e punës së degës së PDSH-së Tetovë gjatë fushatës për zgjedhjet presidenciale.

Informojmë se takime të tilla, Kryetari i PDSH-së, bashkë me Shtabin Qendror të partisë do të mbajë me të gjitha degët dhe shtabet e degëve tē Partisë Demokratike Shqiptare. shk/