Zgjedhjet na kanë dalë për hunde vitet e fundit. Të rregullta, të parakohshme, të zakonshme, të jashtëzakonshme, gati çdo vit kemi nga një palë zgjedhje. Herë fiton njëri, herë tjetri. “Herë kungulli, herë pacërka”, do të thosh humoristi ynë i njohur, Sevdai Radogoshi. Sa mbarojnë zgjedhjet, ata shikojnë vetëm interesin e tyre. Zhduken politikanët e këndshëm të fushatës parazgjedhore, që u rrjedhin fjalë të ëmbëla si mjalti deri në ditën e zgjedhjeve, por sapo përfundojnë zgjedhjet i lëshon toka. Bëhen ministra e deputetë, bëhen drejtorë e ambasadorë, kurse juve u harrojnë, madje as telefonin nuk ua hapin. Prandaj, është mirë ta lexoni deri në fund këtë tekst dhe ta kuptoni porosinë e tij. Mos të vijë nesër puna, mozot duke vuajtur dënim me burg për vjedhje votash, t’i thoni vetes: “Mirë shkruante Zhurnali, isha budalla që nuk e lexova deri në fund”!

Ju në burg, politikanët në poste!

Kështu ka ndodhur çdo herë, kështu do të ndodhë edhe këtë herë. Tashmë jemi mësuar me “stilet” e politikanëve. Prandaj është me rëndësi që ne si votues të shfrytëzojmë të drejtën e votës ashtu siç na ka hije, e të mos futemi në skenare të tjetër kujt.

Aq më pak duhet të bëheni i pjesë e vjedhjes së votave dhe manipulimeve tjera zgjedhore. Politikanët prej nesër ju harrojnë, shikojnë hesapin e tyre, kurse ju do të maltretoheni me vite nëpër gjykata dhenë fund ju pret dënim 5-6 vjet me burg. Pyetni ata që e kanë pësuar, nëse ndonjë politikan u ka dalur në ndihmë. Madje janë tallur me fatin e tyre.

Zgjedhjet janë kulmi i procesit demokratik dhe festë e shprehjes së vullnetit të lirë nga ana e qytetarëve. Zgjedhjet, në një vend si Maqedonia e Veriut, mund të jenë një hap përprara në rrugën drejt Bashkimit Evropian, nëse organizohen e zbatohen në përputhje me standardet evropiane. Por mund të kenë pasojë edhe kthim mbrapa, në rast se përcillen me parregullsi dhe incidente. Politikanët nuk humbin as në rastin e parë, e as në rastin e dytë. Ndoshta na rastin e dytë përfitojnë edhe më shumë, sepses a më larg të jemi prej BE-së, aq më i “turbullt uji”, e në turbullinë është më lehtë të vidhet e të bëhen keqpërdorime.

E nëse kemi një proces të rregullt e demokratik, që na ofron drejt Bruskselit, ky është një përfitim për të gjithë qytetarët. Në këtë mënyrë bëhen ndryshime pozitive në pajtim me standardet e BE-së, që na ofron drejt realizmit të ëndërrës për tu bë vend anëtar në këtë Union. Mos rrezikoni burg prej 5-6 viteve sado para të ju ofrojnë. Fundja, ndoshta është mirë edhe t’ua merni paratë në rast se vlerësoni se refuzimi juaj mund t’u krijojë problem në vendin e punës ose në karrierë, por votën mos ua jepni, sepse në këtë mënyrë u jepni shansë që edhe në zgjedhjet e ardhshme të ju bëjnë presion dhe të ju shantazhojnë. Janë përralla thëniet që “e dinë saktë se për kë keni votuar”, respektivisht se ata që ua keni marë paratë pasi skeni pasur mundësi tjetër, e dinë se për kë keni votuar. Askush nuk e din atë punë, kjo është vetëm formë e presionit psikik.

Prandaj edhe nëse ua mirni paratë, votoni në bazë të vullnetit tuaj të lirë, pa pasur fare dyshim se dikush do e din kë keni votuar. Po e përsërisim edhe një herë, ddoshta është mirë t’ua merni paratë, sepse nuk i kanë fituar me djersë, në rast se vlerësoni se refuzimi mund të ju shkakton telashe. I kanë fituar me manipulime e keqpërdorime dhe tani i japin për të blerë vota, me qëllim që të vazhdojnë edhe më tej me manipulime, e keqpërdorime. Prandaj dilni shfrytëzojeni në drejtën e votës në mënyrë të qytetëruar, ashtu siç na ka hije si komb evropian, pa tensione e pa keqpërdorime.

Mbi 30 të dënuar deri tani për shkelje të procesit zgjedhor

Shkelja e procesit zgjedhor, Sipas Kodit Penal në Maqedoninë e Veriut paraqet vepër të rëndë penale, që dënohet me burg. “Barrën” e kësaj vepre penale në lëkurën e tyre deri sot e kanë ndjerë mbi 30 qytetarë që kanë qenë të involvuar në malverzime zgjedhore dhe shumica prej tyre kanë vuajtur dënime me burg. Nuk bëhet fjalë për një process zgjedhor, por për disa procese zgjedhore, kur janë vërejtur parregullsi dhe shkelje të procesit, që më vonë kanë marë epilog gjyqësor. Kjo tregon se ka njerëz që nuk mbushen me mend deri sa nuk e pësojnë. Nuk marin mësim nga raste të mëhershme prejpersonave që janë dënuar e që kanë vuajtur burg, por sërish manipulohen.

Ruajuni që ju, ose të afërm tuaj të mos jenë në mesin e tyre. Shkeljet për të cilat janë dënuar, ajnë të natyrave të ndryshme. Mbushje kutish, thyerje kutish, tren bullgar, votim kolektiv, pengim i procesit zgjedhor, ndryshim procesverbalesh, etj… Shumica prej atyre që janë dënuar, më pas kanë treguar se si janë penduar, por edhe si janë injoruar nga politikanët që i kanë nxitur të skelin Ligjin zgjedhor, duke u garantuar se “do u qëndrojnë mbrapa”, por pas seancës së parë gjyqësore janë distancuar tërësisht prej tyre. Por është bë vonë, sepse dënimit nuk i kanë shpëtuar, kurse politikanët për të cilët kanë futur në thes, kanë vazhduar me pasurimin e tyre në bazë të posteve që kanë fituar pas zgjedhjeve. /Zhurnal

Disa qytetarë shqiptarë të Maqedonisë së Veriut i kanë ndarë pritshmëritë e tyre në lidhje me zgjedhjet parlamentare dhe presidenciale që po mbahen sot në këtë shtet.

“Vetëm me punu për popullin, kurrgjë tjetër”, tha një banor i fshatit Forinë i pyetur se çfarë kërkesa ka nga të zgjedhurit eventualë.

“Ma lehtë ka qenë gjithmonë për mu se e kom ditë çka me votu”, ka shtuar ai.

Ndërkaq një qytetar tjetër tha se shpresat nuk humbin asnjëherë, dhe se pret të fitojë më i miri.

Qytetari i tretë i intervistuar nga Klani ka thënë që pret të ketë përmirësime në çështjet e infrastrukturës, dhe që të ndalet ikja e të rinjve nga vendi.

Më 18 prill në Maqedoninë e Veriut ka filluar fushata zgjedhore për zgjedhjet kuvendare, të cilat do të mbahen më 8 maj. Fushata zgjedhore përfundon sot, ndërsa nga mesnata nis edhe heshtja zgjedhore.

Ju sjellim disa nga aktivitetet e koalicioneve më të mëdha në ditën e fundit të fushatës.

LSDM dhe koalicioni “Për ardhmëri Evropiane” mbajti tubim në Strumicë. Kreu i kësaj partie. Dimitar Kovaçevski tha se të gjithë qytetarët që dalin për të votuar më 8 maj, do të duhet të kenë parasysh se vota për LSDM-në është votë për të nesërme dhe të ardhme më të mirë.

“Nëse ata vijnë në pushtet, mbani mend këto fjalë. Deri në vitin 2030 do t’i shihni, Malin e Zi dhe shtetet e tjera se si ulen në karriget e tyre në Bruksel, ndërsa e jona, përsëri me VMRO-në në pushtet, do të mbetet e zbrazët. Pastaj, do t’i fajësojnë qytetarët brenda, do t’i fajësojnë fqinjët jashtë dhe në fund do të jetë fajtore vetë BE-ja, siç ishte fajtore prej vitit 2006 deri në vitin 2017. Mi mbani mend fjalët, ka inçizim nga ky fjalim, do ta ridëgjojmë dhe rishikojmë shumë herë”, u shpreh Dimitar Kovaçevski, LSDM.

Dragan Kovaçki nga VMRO-DPMNE u bëri thirrje të gjithë qytetarëve që më 8 maj të votojnë për opsionin që siç tha ai, do ta kthejë shtetin në duart e qytetarëve.

“Për dy ditë prej sot, të mërkurën, votohet. Për dy ditë qytetarët do të kenë mundësi të zgjedhin mes Maqedonisë së poshtëruar, plaçkitur e shkatërruar dhe Maqedonisë dinjitoze, Maqedonisë që ndërtohet dhe ku ligjet vlejnë për të gjithë njësoj. Prandaj prej këtu, prej Karbincit patriotik, bëj thirrje për kohezion, unitet, për unitet maqedonas, për unitetit shoqëror, për unitetit nacional. Të jemi krenarë dhe me unitet, ta kthejmë Maqedoninë në duart e qytetarëve. Ju ftoj të gjithëve të dilni dhe të votoni për numrin 2″, theksoi Dragan Kovaçki.

Fronti Evropian zhvilloi takim me përfaqësuesit e Odës ekonomike të Maqedonisë Veriperëndimore ku është folur lidhur me implementimin e programit të Odës në programin e frontit dhe qeverisë.

“Konstatuam bashkërisht që në aspekt të programit ekonomik shumë gjëra na bashkojnë me odën ekonomike të Maqedonisë Veriperëndimore dhe natyrisht që ngelet që bashkërisht t’i implementojmë këto politika në të mirë të të mirës së përgjithshme, në të mirë të zhvillimit të vendit, në të mirë të hapjes dhe vazhdimit të rrugëtimit drejt Bashkimit Evropian dhe në të mirë të qytetarëve të këtij vendi”, tha Ziadin Sela.

Ndërsa Koalicioni VLEN sonte ka mbajtur tubimin përmbyllës në Tetovë. Prej atje, liderët e këtij koalicioni kërkuan mbështetjen e qytetarëve më 8 maj.

“E di që ju kemi lodhur edhe juve, pasi me leje e pa leje kemi trokitur në çdo derë, por mikpritja e juve ka qenë e jashtëzakonshme. Me thënë të vërtetën na keni shtuar përgjegjësinë edhe më shumë. Me besë premtoj se unë dhe ekipi i VLEN-it, kur ta bëjmë qeverinë tash së shpejti pas 2-3 ditëve, do të vrapojmë edhe më fuqishëm sesa në fushatë. Nuk do të rahatohemi në kolltuqe. Kjo fushatë ishte një nevojë e paharrueshme”, u shpreh Arben Taravari nga Koalicioni VLEN./Telegrafi/

“Me besë premtoj se unë dhe të gjithë prijësit e VLEN-it, kur të bëjmë Qeverinë, do të vrapojmë edhe më fort se në fushatë”, ky ishte premtimi i parë publik që Arben Taravari e bëri në tubimin madhështor në Tetovë, duke shtuar se pas 8 majit ata nuk do të rehatohen në lëkurat e kolltuqeve, por do të punojnë edhe më fort për të gjithë. Taravari theksoi se edhe pse kishte shumë oferta nga Ali Ahmeti, ai zgjodhi të jetë me popullin.

“Nuk dua ta zgjas. Kjo fushatë ishte një përvojë e paharrueshme për mua!
Gjeta shokë dhe ekip si VLENI, pashë edhe tradhti nga disa që ashtu si çdo tradhtar ju mbetet vetëm hija e vet,  por gjeta shumë besë e burrni tek shumica!  Unë pata shumë oferta nga Ali Ahmeti, oferta që si u pa ca të partisë time nuk i rezistuan dot…po unë zgjodha të jem ju. Jam krenar që e kam bërë këtë zgjedhje dhe na qoftë Fitorja Gëzuar!” theksoi Taravari.

Taravari i bindur për fitore tha se Ndryshimi Historik do mbahet mend si Revolucioni i Dritave.

“Tani, gjithçka ka nisur me ca drita celularësh, të cilat ndriçuan edhe atëherë ku regjimi bërtiste se ja fik dritat popullit…këto drita rezistuan…u shtuan dhe sot janë shkëlqim lirie që kanë çuar një shtet në këmbë! Tani ftoj në skenë kolegët e mi të VLENit dhe dua që të gjithë bashkë të bëjmë foto me dritat tuaja dhe le ta dinë të gjithë se ky Ndryshim Historik do mbahet mend si Revolucioni i Dritave. Zoti Ju Bekoftë!” përfundoi Taravari para mijëra qytetarëve në Tetovë.
Ndryshimi historik do të mbahet mend si Revolucioni i Dritave

“Me besë premtoj se unë dhe të gjithë prijësit e VLEN-it, kur të bëjmë Qeverinë, do të vrapojmë edhe më fort se në fushatë”, ky ishte premtimi i parë publik që Arben Taravari e bëri në tubimin madhështor në Tetovë, duke shtuar se pas 8 majit ata nuk do të rehatohen në lëkurat e kolltuqeve, por do të punojnë edhe më fort për të gjithë. Taravari theksoi se edhe pse kishte shumë oferta nga Ali Ahmeti, ai zgjodhi të jetë me popullin.

“Nuk dua ta zgjas. Kjo fushatë ishte një përvojë e paharrueshme për mua!
Gjeta shokë dhe ekip si VLENI, pashë edhe tradhëti nga disa që ashtu si çdo tradhëtar ju mbetet vetëm hija e vet,  por gjeta shumë besë e burrni tek shumica!  Unë pata shumë oferta nga Ali Ahmeti, oferta që si u pa ca të partisë time nuk i rezistuan dot…po unë zgjodha të jem ju. Jam krenar që e kam bërë këtë zgjedhje dhe na qoftë Fitorja Gëzuar!” theksoi Taravari.

Taravari i bindur për fitore tha se Ndryshimi Historik do mbahet mend si Revolucioni i Dritave.

“Tani, gjithçka ka nisur me ca drita celularësh, të cilat ndriçuan edhe atëherë ku regjimi bërtiste se ja fik dritat popullit…këto drita rezistuan…u shtuan dhe sot janë shkëlqim lirie që kanë çuar një shtet në këmbë! Tani ftoj në skenë kolegët e mi të VLENit dhe dua që të gjithë bashkë të bëjmë foto me dritat tuaja dhe le ta dinë të gjithë se ky Ndryshim Historik do mbahet mend si Revolucioni i Dritave. Zoti Ju Bekoftë!” përfundoi Taravari para mijëra qytetarëve në Tetovë.

Dy kampet politike shqiptare kanë zgjedhur Tetovën për të matur forcat e fundit për sigurimin e fitores në zgjedhjet e 8 majit.

Mbrëmë BDI dhe Fronti Evropian mbajti tubimin përmbyllës duke sjellë simpatizantë në sheshin Iliria por duke pasur dallim nga videot dhe fotot origjinale dhe fotoshopet që postuan funksionarë të lartë të BDI-së në rrjetet sociale. Lideri i BDI-së Ali Ahmeti zgjodhi shprehje me “topa” për të drejtuar sulmet ndaj liderit të VMRO-së Kristijan Mickoskit” Ata zëra të mekur që dëgjohen, a e pat me një fishekzjarrë që gjuajti Mickoski unë gjuajta me top dhe nuk ka më të shtëna” tha Ahmeti në tubimin përmbyllës.

Nga ana tjetër VLEN pritet me gjuhë të ashpër t’i përgjigjet BDI-së mbi 20 vjeçare në pushtet. Që para tubimit të sontëm Kryetari i Lëvizjes Biladh Kasami e ka etiketuar qeverisjen e BDI-së si “hajdute” duke mos e llogaritur votën ndaj tyre si votë shqiptare.”Vota e shqiptarëve nuk është votë për hajdutët, Vota për hajdutët nuk llogaritet dot si shqiptare. Ju këtë e dini mirë. Kjo ju djeg. Jeni të djegur-tha Kasami.

Se Fronti Evropian po blen vota pati direkte edhe nga Mickoski i VMRO-së. Sa i përket mbushjes së kutive nga eksponentë lokal të BDI-së siç ishte rasti me një vendvotim në Likovë në zgjedhjet presidenciale VLEN do të ngrirë padi ndaj komisionerëve pas gjykimit kundër tyre në Gjykatën Administrative dhe shkarkimit nga KSHZ.

Vëmendje e posaçme blerjes së mundshme të votave po i kushton jo vetëm Ministria e Punëve të Brendshne por edhe vetë VLEN në rrugë operative partiake për të qenë të përgatitur për denoncime më 8 maj.

Ndryshe njësia e 6 me theks Tetova dhe Gostivari pritet të jenë përcaktuese për të nxjerrë fituesin në kampin shqiptar. Rezultati I zgjedhjeve presidenciale i nxjerr pothuajse të barabartë VLEN me një epërsi të lehtë të Frontit Evropian.

Bazuar në informacione partiake votuesit i presidencialeve ndaj BDI-së pritet të kalojë tek VLEN duke e llogaritur si votën me “hatër” dhe si trik ndaj makinerisë propagandistike të funksionarëve të lartë qeveritar të BDI-së votën ndaj Bujar Osmanit. Kjo pritet të shihet në disa komuna rurale ku BDI për 22 vite në pushtet nuk ua ka kthyer votën me investime në infrastrukturë rrugore ujësjellës e kanalizime. Fatos Rushiti/INA

Bujar Osmani tha se Fronti Europian nuk do t’ua imponojë votuesve vendimin se për kë do të votojnë në rrethin e dytë të zgjedhjeve presidenciale.

Osmani tha se qytetarët duhet të jenë të informuar, por që duhet të vendosin vetë.

“Do të thotë qytetarët janë të lirë që vet të vendosin në atë se kë do ta mbështesin në raundin e dytë dhe absolutisht si Front nuk e kemi për qëllim që të imponojmë, vet le ta marrin vendimin, mendojmë se kjo është baza e demokracisë, qytetarët të kenë vendim të informuar.

E jona është që t’i informojmë qytetarët për të gjitha aspektet e vendimit. Vendimin në fundit e marrin ata”, theksoi Osmani.

Kreu i Gostivarit, Arben Taravari, në tubimin përmbyllës të koalicionit VLEN në Tetovë, dha besën se sapo ta formojnë qeverinë, do të vrapojnë edhe më shumë për të mirën e qytetarëve.

“E di që ju kemi lodhur edhe juve, pasi me leje e pa leje kemi trokitur në çdo derë, por mikpritja e juve ka qenë e jashtëzakonshme. Me thënë të vërtetën na keni shtuar përgjegjësinë edhe më shumë. “Me besë premtoj se unë dhe ekipi i VLEN-it, kur ta bëjmë qeverinë tash së shpejti pas 2-3 ditëve, do të vrapojmë edhe më fuqishëm sesa në fushatë. Nuk do të rahatohemi në kolltuqe. Kjo fushatë ishte një nevojë e paharrueshme”, u shpreh Taravari.

Një nga arsyet përse punonjësit shëndetësorë po largohen nga kujdesi shëndetësor publik i Maqedonisë, është stërngarkimi me punë administrative në vend të asaj profesionale për të cilën paguhen, thonë nga Shoqata e Mjekëve Shqiptarë në Maqedoni.

Sipas Shoqatës së Mjekëve Shqiptarë, në 5 vitet e fundit, më shumë se 300 mjekë shqiptarë janë larguar nga vendi, duke u larguar jo vetëm mjekët e rinj, por edhe ata në moshë, si dhe personeli tjetër mjekësor.

“Është e qartë se mungojnë mjekët. Sipas statistikave zyrtare, më shumë se 70% e pacientëve trajtohen në spitalin shtetëror në Shkup. Ne do të parandalojmë migracionin nëse u japim njerëzve një punë dhe mundësi për t’u arsimuar, duhet të bëjmë diçka, disa ndryshime rreth arsimimit, kemi pasur 4 vjet specializim dhe 2 vjet subspecializim”, tha Kalina Grivçeva Stardelova – Kryetare e Odës së Mjekëve.

Por tendenca e largimit të mjekëve dhe personelit tjetër mjekësor është e pranishme në të gjithë Evropën, thonë shoqatat mjekësore. Por në vende si Maqedonia, largimi i mjekëve mund të jetë gjithashtu një arsye për mbylljen e disa reparteve./Alsat.mk

Ali Ahmeti nga tubimi i mbrëmshëm përmbyllës i fushatës së Frontit Evropian në Tetovë tha se ata kanë dhënë një betim që Maqedoninë e Veriut ta bëjnë pjesë e Bashkimit Evropian, dhe siç tha ai, asnjëherë nuk ka thënë diçka që nuk mund ta bëjë. Sipas Ahmetit, vendi duhet të ketë paqe, stabilitet dhe siguri, dhe për këtë ashtu siç kanë luftuar për t’u bërë pjesë e NATO-s, ashtu do të luftojnë për  Bashkimin Evropian.

Ali Ahmeti

“Vllezër dhe motra asnjëherë nuk ka dalë që të them atë që smund ta bëjë, por sot unë jam edhe më i fortë me vllezërit e frontit, dhe kemi dhënjë në betim që ky vend vendin e ka në Bashkimin Evropian”.

Ndërkohë sot në Shkup, Arbër Ademi, kandidati për deputet nga Fronti Evropian, në përmbylljen e fushatës zgjedhore, tha se po punojnë për një Maqedoni për të gjitha gjeneratat dhe etnitë, dhe sipas tij kjo do t’i bëjë ata fitues.

Arbër Ademi, kandidat për deputet

“Të dashur qytetarë ashtu sikurse më 24 prill ka më shumë se një arsye se pse fronti evropian do të fitojë thelllë edhe me 8 maj. Arsyeja më e madhe që e ilustron fitoren e frontit, është sepse ne po ndërtojmë me vizion, ambicie, punë të palodhur dhe me këmbëngulje”.

Arbër Ademi komentoi në lidhje me atë se kë do ta mbështesin në zgjedhjet presidenciale, duke thënë se qytetarë janë të lirë për të votuar si të duan.Linda Ebibi /SHENJA