Fronti Europian ka dalë me njoftim në lidhje me raundin e dytë të zgjedhjeve presidenciale, duke iu bërë thirrje qytetarëve që të vendosin vetë se për cilin kandidatë do të votojnë.

“Liderët e partive pjesë e Frontit Europian në mbledhjen e sotme në Strugë konstatuan se raundi i parë i zgjedhjeve presidenciale më 24 prill kaloi në atmosferë të qetë, fer dhe demokratike, ndërkohë që fitorja prej 40 mijë vota e dr.Bujar Osmanit ndaj Arben Taravarit – kandidatit të opozitës, është fitore e cila do të thellohem edhe më shumë më 8 maj, në Zgjedhjet parlamentare kur Fronti Europian do ta shënojë fitoren historike”.

“Me këtë rast, meqenëse Fronti Europian nuk është më pjesë e garës presidenciale në raundin e dytë të zgjedhjeve presidenciale dhe meqenëse vota e qytetarëve për ne është e shenjtë dhe e drejtë e tyre, Fronti Europian konstaton se është e vullnetin ekskluziv të qytetarëve se si do ta shfrytëzojnë këtë të drejtë”, thonë nga Fronti Europian.

Ndërkohë, edhe nga Koalicioni VLEN pritet të dalin me njoftim se cilin nga kandidatët për president do ta mbështesin në raundin e dytë të zgjedhjeve presidenciale./Telegrafi/

Njësitë e Punëve të Brendshme të Negotinës dhe Kavadarit janë të gatshëm për zgjedhjet e tetë majit, ndërsa qytetarët nëse kanë ndonjë kërcënim për prishjen e procesit zgjedhor, të raportojnë të njëjtat, theksoi sot zëvendësministri plotësues i Punëve të Brendshme Mitko Bojmacaliev i cili së bashku me drejtorin e DSP-së, Sasho Tasevski ishin për vizitë pune në territorin e Sektorit të Punëve të Brendshme.

Nga ana e drejtuesve të këtyre njësive organizative, theksoi Bojmacaliev, është njoftuar për rezultatet e arritura në tre muajt e fundit të këtij viti, si dhe kanë vlerësuar gjendjen e favorshme të sigurisë.

Shkarkohet këshilli i zgjedhor në vendvotimin 1112/1 në Komunën e Likovës, për shkak të parregullsive të paraqitur nga Kalicioni VLEN në rrethin e parë të zgjedhjeve presidenciale. Vendimi i këtillë i Komisioni Shtetëror të Zgjedhjeve u soll pas vendimit të Gjykatës Administrative për prishjen e votimit në këtë vendvotim në Likovë.

Pas këtij vendimi, anëtari i KSHZ-së, Abdush Demiri ka dërguar apel deri tek anëtarët e të gjithë këshillave vendorë që në zgjedhjet e 8 majit të jenë më të kujdesshëm.

“Të nderuar koleg, i nderuari opinion. Pas vendimit për të prishur rezultatin dhe pas vendimit për shkarkimin e këshillit vendor në vendvotimin 1112/1 në Komunën e Likovës, shfrytëzoj rastin që t’u drejtohem gjithë këshillave vendore si organe të rëndësishme për realizimin e procesit zgjedhor, që të jenë në nivel të detyrës të mundësojnë proces zgjedhor të qetë, fer dhe demokratik, për çdo shqetësim dhe parregullsi t’i notojnë dhe paraqesin në mënyrën e paraparë me ligjin për zgjedhje. Nga vendimi i sotëm për shkarkim sigurisht do të ketë iniciativë për ngritje të procedurës për përgjegjësi diciplinore dhe penale nga organet përkatëse për antarët e vendvotimit përkatës. Apeloj deri te të gjithë këshillat vendore që të mos lejojnë për asnjë çmim që dikush të ndikojë në punën tuaj, kryeni obligimin me përputhje me detyrimit e juaja sipas ligjit për zgjedhje”, deklaroi Demiri nga KSHZ.

Në zgjedhjet e dyfishta të 8 Majit, qytetarët kanë të drejtë vetëm njëherë të paraqiten nëpër vendvotime. Bëhet fjalë për rregullin zgjedhor që do të vlejë të mërkurën e 8 majit, kur mbahet rrethi I dytë I zgjedhjeve presidenciale dhe zgjedhjet parlamentare.

KSHZ-ja miratoi udhëzuesin, ku qytetarët njoftohen se nëse vendosin të votojnë vetëm për një palë zgjedhje, më pas nuk mund të ndërrojnë mendje dhe sërish të kthehen për të votuar për zgjedhjet tjera.

Kryetari i KSHZ-së, Aleksandar Dashtevski, gjatë një interviste për MIA-n, theksoi se me rëndësi është që qytetarëve t`u sqarohet se kanë të drejtë për të votuar për dy llojet e zgjedhjeve ose vetëm për parlamentaret dhe presidencialet.

“Qytetari mund të vijë vetëm një herë dhe të votojë për dy zgjedhjet. Procedura është si vijon ; kur vjen jep letërnjoftimin, shkon në identifikimin biometrik, rrethohet në listë dhe i japin fletëvotime për të votuar” – tha Dashtevski.

Por, me rëndësi për qytetarët është se kur në vendvotime do të pyeten, të kenë përgjigje të saktë nëse do të votojnë vetëm për një palë zgjedhje apo në zgjedhjet e dyfishta. Kjo është e rëndësishme pasi për zgjedhjet presidenciale ekziston cenzusi prej 40%.

“Supozoj se më së shumti do të votohet për dy zgjedhjet, kurse mund të ndodh vetëm për zgjedhjet parlamentare, pasi dihet se jehona dhe interesi është më I amdh për parlamentaret” – tha Dashtevski.

Kreu I KSHZ-së ka theksuar se natën e 8 majit, rezultatet e zgjedhjeve mund të dihen deri në mesnatë, duke marrë parasysh ndryshimet që KSHZ-ja I ka bërë gjatë periudhës së kaluar, por edhe përvojës me zgjedhjet paraprake.

“Kemi ndërmarrë masa për këto zgjedhje që të përforcojnë harduerin që njëkohësisht të pranojë sa më shumë informacione, kemi trajnuar më shumë njerëz në terren. Kemi të trajnuar rreth 1.700 njerëz që të fusin të dhënat, për të gjithë, në bashkëpunim me Entin e Statistikës, kemi siguruar 1.700 laptopë. Gjithashtu që të përshpejtohet procesi zgjedhor nëpër vendvotime, në vend të 5 personave do të ketë 7, kurse gjatë numërimit do të jenë të gjithë të pranishëm” – deklaroi Dashtevski.

Zgjedhjet e 11-ta me rradhë parlamentare mbahen më 8 maj bashkë me rrethin e dytë të zgjedhjeve presideciale.

Në zgjedhjet parlamentare, qytetarët votojnë për përbërjen e re parlamentare. Në Kuvend zgjidhen 120 deputetë sipas modelit proporcional, ku territori i vendit është ndarë në 6 njësi zgjedhore të konstatuar me Kodin Zgjedhor dhe në çdo njësi zgjedhore zgjidhen nga 20 deputetë. /tvklan.mk/

Koalicioni VLEN sot ka realizuar takim me përfaqësuesit e Odës Ekonomike të Maqedonisë Veri-Perëndimore në të cilën kanë folur për avancimin e bizneseve në vend.

Gjatë takimit kryetari i Lëvizjes Besa, Bilall Kasami tha se bashkërisht do të angazhohen në implementimin e politikave të Odës Ekonomike të Maqedonisë Veri-Perëndimore, në drejtim të avancimit të bizneseve për arritjen e zhvillimit ekonomik për të mirën e qytetarëve.

“Ne ishim në takim me Odën Ekonomike të Maqedonisë Veri-Perëndimore për të bashkëpunuar për pjesën ekonomike të programës dhe mundësitë e bashkëpunimit si qeveri e ardhshme me biznese. Ne jemi të lumtur që kemi pasur një komunikim shumë të rregullt me Odën Ekonomike të Maqedonisë Veri-Perëndimore ku si rezultat ne kemi implementuar shumë pika të programës të Odës Ekonomike të Maqedonisë Veri-Perëndimore në programën tonë parazgjedhore. Ajo që është më me rëndësi është se ne sot nënshkruam një memorandum bashkëpunimi, ku bashkërisht të angazhohemi që të implementojmë gjitha politikat e Odës Ekonomike të Maqedonisë Veri-Perëndimore në drejtim të avancimit të bizneseve që do të jetë një motor i zhvillimit ekonomik dhe rritjes së mirëqenies së qytetarëve”, tha Kasami.

Kasami shtojnë nga atje, nga zyrat e Odës Ekonomike të Maqedonisë Veri-Perëndimore tha se besojnë fuqishëm që pas 8 majit, koalicioni VLEN si pjesë e Qeverisë do të jetë në shërbim të qytetarëve dhe në shërbim të bizneseve tona me qëllim të ndaljes së këtij ekzodusi të rinisë tonë dhe qytetarëve tonë drejt perëndimit.

Kolona veturash dhe pritje ishte atmosfera e 30 prillit dhe 1 majit në pikat kufitare të vendit. Shumë qytetarët priten deri në një orë për të hyrë në Greqi, e kjo pamje vazhdon edhe ne ditët në vijim.

Edhe pse dy maji është ditë pune, rrugët e Shkupit sot dukeshin të zbrazura.

Shumë qytetarë festën e 1 majit dhe festat e pashkëve i kanë kombinuar me fundjavë të zgjatur dhe kjo ka bërë që pikat kufitare të jenë më të frekuentuara gjatë këtyre ditëve. Disa nga qytetarët mendojnë se në kalendarin vjetor kemi mjaftueshëm ditë jo pune dhe janë kundër ndërlidhjes së ditëve të pushimit me ditët e punës.

“Nuk pajtohem me ndërlidhjen. Shumë ditë jo punë ka në një vit, por edhe kur punohet e kam atë përshtypjen që njerëzit nuk bëjnë përpjekje të mjaftueshme që të punojnë në mënyrë efikase kohen e punës dhe kjo me lidhjen mendoj se nuk është në rregull”, tha një qytetar.

“Pushim pranverorë çdoherë është i nevojshëm disa ditë apo një javë që të pushohet pakës nga ngecja të themi. Ju i lidhet ditët që nuk punohet? Jo ne punojmë, sektori privat patjetër të punoje”, u shpreh një qytetar tjetër.

Nga lidhja Auto Moto thonë se intensiteti i qarkullimit në vendkalimet kufitare nga vendi ynë nuk ka më vonesa për hyrje dhe dalje nga vendi për dallim nga kufiri grek, ku intensiteti i kalimit është më i ngadaltë. Ndër ditët tjera jo punë të kësaj jave edhe 8 maji është ditë jo pune për shkak të zgjedhjeve parlamentare dhe presidenciale. / Alsat.mk

Regjistrimi i fëmijëve në shkollat fillore do të fillojë pas përfundimit të pushimit që kanë fëmijët në këtë periudhë, respektivisht pas 7 majit. Në 12 shkollat fillore të komunës së Tetovës të dhënat e deritanishme flasin se duhet të regjistrohen 840 nxënës. Por në këto lista nuk janë përfshirë fëmijët e lindur jashtë Tetovës, bëjnë të ditur nga Sektori për Arsim në komunën e Tetovës.

Në ndërkohë, vazhdon problemi i rënies së numrit të nxënësve që regjistrohen në shkollat e Malësisë së Tetovë, ku këtë vit pritet që të regjistrohen 100 nxënës më pak.