Në zgjedhjet e shtata presidenciale që do të mbahen të mërkurën, të drejtë vote kanë 1.814.317 votues. Prej tyre, në ekstraktet nga Lista zgjedhore për votim në shtet janë të regjistruar 1.713.758 votues.

Në ekstraktet e veçanta nga Lista Zgjedhore për personat që kanë paraqitur kërkesë për votim në përfaqësitë diplomatike konsullare apo zyrat konsullare janë regjistruar 2.569 votues, të cilët kanë paraqitur kërkesë për votim në institucionet për përkujdesje jashtëfamiljare, ndërsa në Listën zgjedhore janë regjistruar edhe dy persona të zhvendosur brenda vendit.

Votimi në zgjedhjet e shtata presidenciale duhet të mbahet në 3,480 qendra votimi në vend, por në 120 qendra votimi janë më pak se dhjetë votues të cilët janë drejtuar të ushtrojnë të drejtën e tyre për të votuar në qendrën më të afërt të votimit.

Specializantët privatë sot do të mbajnë protestë paqësore para Ministrisë së Shëndetësisë nën moton “5 me 12 për shëndetësinë e Maqedonisë”.
“Kemi vendosur të protestojmë nën moton “5 me 12 për shëndetësinë e Maqedonisë” për të ngritur sërish zërin për kërkesat tona për jetë dinjitoze dhe për të drejtat elementare të njeriut. Kjo protestë nuk synon vetëm të shprehë pakënaqësinë tonë personale, por ne protestojmë edhe për të shprehur dëshirën tonë për të përmirësuar kushtet për ne si mjekë dhe për pacientët tanë”, thuhet në deklaratën e dërguar mediave.

Javën e kaluar ata dolën në grevë duke kërkuar paga më të larta, sigurim shëndetësor falas dhe rregullim të statusit të punës. Në seancën e së martës, qeveria vendosi që statusi i specialistëve privatë të vendoset pas zgjedhjeve me projekt-zgjidhje ligjore që do të parashikojnë të drejtat dhe përgjegjësitë e tyre të përgjithshme.

Sot është dita e fundit e fushatës për zgjedhjet presidenciale, të cilat do të mbahen të mërkurën, më 24 prill.

Pas mesnate fillon heshtja parazgjedhore e cila do të përfundojë ditën e votimit në orën 19:00, ndërsa fushata për zgjedhjet parlamentare që do të mbahen më 8 maj do të vazhdojë dhe nuk do të ndërpritet.
Kandidatët presidencial, si dhe kandidatët për deputetë edhe sot janë me aktivitete parazgjedhore.

Votuesit në zgjedhjet e shtata parlamentare do të mund të zgjedhin një nga shtatë kandidatët për president – pesë burra dhe dy gra. Kandidatët janë presidenti aktual Stevo Pendarovski i mbështetur nga LSDM dhe koalicioni, Gordana Siljanovska Davkova nga VMRO-DPMNE, Biljana Vakovska e mbështetur nga E Majta, Maksim Dimitrievski – ZNAM, Stevço Jakimovski – GROM, Arben Taravari nga koalicioni VLEN dhe Bujar Osmani nga Fronti Evropian.
Karakteristike për këto zgjedhje është se në vend të dielën, zgjedhjet do të mbahen të mërkurën, ditë e shpallur nga Qeveria si ditë jopune. Gjithashtu, këto zgjedhje përkojnë me zgjedhjet për deputetë dhe identifikimi i votuesve do të bëhet sërish me aparate identifikimi biometrike.

Rrethi i dytë i zgjedhjeve presidenciale që pritet të zhvillohet, do të përkojë me zgjedhjet parlamentare të 8 majit, ndërsa kur votuesit të shkojnë në qendrat e votimit para se të marrin fletëvotimin, do të duhet të deklarojnë nëse do të votojnë për të dyja zgjedhjet ose jo. Nëse nuk duan të votojnë në asnjë prej zgjedhjeve, nuk do të mund të ndryshojnë mendje gjatë ditës dhe të kthehen sërish në qendrën e votimit dhe të votojnë.
Për zgjedhjet presidenciale në Listën zgjedhore janë regjistruar 1.814.317 votues. Në çertifikata nga Lista zgjedhore për votim në vend janë të regjistruar 1.713.758 votues, ndërsa jashtë vendit në PDK apo zyrat konsullare do të votojnë 2.569 votues.
Në çertifikatën e veçantë nga Lista zgjedhore për personat të cilët janë në vuajtje të dënimit me burg ose në paraburgim gjatë zgjedhjeve janë regjistruar 2.147 votues.

Janë regjistruar edhe 534 votues, të cilët kanë paraqitur kërkesë për votim për personat të cilët gjatë kohës së zgjedhjeve ndodhen në institucionet e përkujdesjes jashtë familjare. Dy persona janë renditur si persona të zhvendosur brenda vendit.

Diaspora, të burgosurit, të moshuarit, të sëmurët dhe të pafuqishmit votojnë një ditë para zgjedhjeve, pra të martën e 23 prillit. Votimi për president ka filluar me anëtarët e këshillave zgjedhorë që kanë udhëtuar për të zhvilluar votimin në diasporë. Në ekstraktin e posaçëm nga Lista zgjedhore janë shënuar 191 votues, të cilët duhet të votojnë në diaporë.

Në përfaqësitë diplomatike dhe në zyrat konsullare nesër, 23 prill, nga ora 07:00 deri në orën 19:00 sipas kohës lokale, kundër kërkesave të pranuara 2.571 janë paraqitur në shtetin tonë, votimi duhet të bëhet në Abu Dhabi ku janë regjistruar 26 qytetarë tanë për të votuar, në Beograd- 31, Berlin – 260, Bernë – 186, Bon -164, Bruksel – 93, Uashington- 34, Venecia – 79, Vienë – 123, Detroit – 34, Zagreb-87, Kanberra – 31, Kopenhagen-74, Londër-87 , Lubjanë -332, Mynih-166, Melburn-64, Nju-Jork-85, Oslo-41, Paris-44, Pragë-52, Romë-30, Stokholm-85, Toronto-117, Hagë-65, Çikago-88 , Ankara- 18, Varshavë-23, Madrid-18, Pekin-12 dhe Sofje 22.

Qytetarët tanë të tjerë që jetojnë jashtë vendit mund ta ushtrojnë të drejtën e votës në qendrat e votimit në vend, sipas adresës në dokumentet e tyre personale.

Komisioni Shtetëror i Zgjedhjeve (KSHZ) këtë fundjavë materialin jokonfidencial dhe konfidencial, duke përfshirë fletët e votimit, ua ka shpërndarë Komisioneve Komunale të Zgjedhjeve, të cilat të martën duhet t’ua dorëzojnë këshillave zgjedhorë.

Sipas njoftimeve, informatat e para duhet KSHZ-ja t’i shpallë rezultatet e zgjedhjeve para mesnatës së 24 prillit.

Moti sot do të jetë me diell dhe me vranësira mesatare. Në fund të ditës dhe gjatë natës do të ketë reshje lokale të shiut. Do të fryjë erë e lehtë deri mesatare nga jugu.

Temperatura minimale do të jetë në intervalin prej -2 deri në 6, ndërsa ajo maksimale do të arrijë nga 15 deri në 21 gradë.

Të martën nën ndikimin e valës së re të lagësht do të ketë reshje shiu që do të jenë më të bollshme dhe të rrëmbyeshme, të përcjella me bubullima të rralla dhe erëra të forta. Më pas në ditët në vijim do të ketë reshje lokale të kohëpaskohshme me intensitet të dobët, e të enjten me intensitet mesatar.

Koalicioni i opozitës shqiptare VLEN, sonte kishte tubim në Gostivar. Kandidati i VLEN-it, për president, Arben Taravari tha se fitoret në këtë qytet renditen që nga vitit 2016 një pas një..
Ai tha se nuk ka dyshim që në Gostivar të bëhet diferenca sa më e madhe e mundshme.
“Ne tash jemi radhitë si opozitë e bashkuar shqiptare. Ju lutem për mobilizim të jashtëzakonshëm. Se më thonë se m’ke premtu 7000 mijë vota diferencë, prandaj të punojmë këto ditë së bashku dhe ta sjellim fitoren e madhe”, deklaroi Arben Taravari.
Taravari tha se më 24 prill të jetë fitorja e parë ndërsa fitorja të vuloset më 8 maj.

Kandidati për President nga Fronti Europian, Bujar Osmani në tubimin qendror në Sheshin “Maqedonia” me mesazh për bashkëqytetarët maqedonas, ashtu si edhe për bashkëqytetarët nga të gjitha bashkësitë e tjera etnike në Maqedoninë e Veriut. Osmani u bëri thirrje t’u japin fund paragjykimeve.

“Jam i vetëdijshëm se paragjykimet dhe barrierat etnike ende ekzistojnë. Por disa interesa globale, të cilat nuk ia duan të mirën vendit, po nxisin ndarjet ndërmjet bashkësive etnike. Unë dua t’ju drejtohem drejtpërdrejt. Sinqerisht dhe me zë të lartë. Ka ardhur koha t’i ndryshojmë gjërat!” tha Osmani.

Osmani u foli edhe për vizionin e koalicionit.

“Fronti Europian është një ide më e madhe se të gjithë ne. Një ide për një të ardhme më të mirë në një Evropë të bashkuar. Prandaj, të bashkohemi, së bashku do t’ia arrijmë qëllimit shumë më shpejt” theksoi kandidati për President Europian.

Në tubimin Qendror të koalicionit VLEN, të mbajtur në Gostivar, Izet Mexhiti tha se me ta në qeveri problemet e qytetarëve do të kenë zgjidhje dhe premtoi se do të funksionojë drejtësia, transmeton TV.

“Ju premtojmë se shteti i së drejtës do të funksionojë, do të bëjmë reformë në drejtësi, me vetting do të nxjerrim nga burgu të gjithë shqiptarët të dënuar padrejtësisht. Problemet e juaja do të gjejnë përgjigje e zgjidhje. Do të kemi një qeveri që dëgjon qytetarin, një qeveri që shërben qytetarin, një qeveri që angazhohet për qytetarin”, tha Izet Mexhiti.

Kreu i Lëvizjes Besa, Bilall Kasami në tubimin qendror të koalicionit VLEN në Gostivar ka deklaruar se qytetarët nuk do ta harronë asnjëherë keqqeverisjen 22 vjeçare të BDI-së. Më tej Kasami ka thënë se ata po e ndjejnë humbjen e pushtetit dhe për atë arsye jane tërbuar.
“22 vjeçarin e keqqeverisjes nuk do ta harrojmë asnjëherë, sepse drejtësia duhet të veprojë. Drejtësia duhet të hetojë dhe dënojë inkriminimet pushtetare në institucionet qeveritare. Për shkak të krimeve që kanë bërë, tani që e ndjejnë se e humbin pushtetin, ata janë tërbuar. Nga njëra anë çdo ministër dhe drejtor i tyre bën presion ndaj qytetarëve. E nga ana tjetër, i keqpërdorin policët duke i detyruar që të marrin pjesë nëpër tubime të BDI-së, të mbjellin frikë tek qytetarët, të kërcënojnë qytetarët nëpër telefona, vetëm për ti bindur të votojnë për BDI-në. Por u dërgoj të fala nga këtu, se nuk u trembemi, siç nuk u jemi trembur regjimit të Millosheviqit, nuk i trembemi as piunëve të Vuçiqit. Por iu them nga këtu, se duhet ta dinë se 8 maji është afër, e se do të përgjigjen për çdo veprim anti ligjor dhe kundër qytetarëve. Burgu është edhe për burra, por edhe për kriminelë. Krimi nuk bën pa u ndëshkuar e dënuar, sepse në të kundërtën përsëritet. Ashtu dhe duhet të veprojë shteti i së drejtës, që është njëra ndër pikat tona të forta programore”, deklaroi Kasami.

Fronti Europian sonte në sheshin Maqedonia në Shkup mbajtu tubimin qendror në prani të mijëra qytetarëve të cilët japin mbështetjen këtij koalicioni që do të triumfojë më 24 prill në zgjedhjet presidenciale dhe më 8 maj në zgjedhjet parlamentare.

Para të pranishmëve fjalim mbajtën kryetari i BDI Ali Ahmeti dhe kryetarët e partive pjesë të koalicionit Fronti Europian si Ziadin Sela, Menduh Thaçi, Skender Rexhepi Zejd, Arjanit Hoxha, Bejxhan Iljaz, Munir Kolashinac, Fatima Osmanovska si dhe Bujar Osmani, kandidat për president i Frontit Europian.

Ali Ahmeti tha se ardhmëri ka vendi vetëm me anëtarësimin në BE.

Hristijan populli im thotë gurë mbi gurë bëhet kalaj e fjalë mas fjale nis belaja, mos nis bela dhe mati fjalët se je i ri dhe të çet akoma buza tamël. Ky front dikujt mund t’i vijë pak mërzi se këta të rinj thërrasin UÇK por UÇK-ja është ajo që e bëri Maqedoninë, dhe i bëri me indentitet edhe komunitetet më të vogla. Falenderues ishte edhe i ndjeri Trajkovski se thaUÇK-ja mëa njohu identitetin fetar. UÇK-ja, ka qenë çlirimatre, që shiptarët sot të jenë zot në shtëpitë e veta. Ne kurrë të huajën se kemi dasht por për të jonin kemi luftuar e kemi derdh gjak. Prandaj le t’i masin fjalët mirë se ky shtet e ka vendin në Europë dhe atje mundemi të shkojmë vetëm bashkë. E kaluara është e dhimbshme, dhe nuk duhet harruar por duhet të luftojmë të gjithë që kjo e kaluar të mos përsëritet por të shohim se si ta ndërtojmë të ardhmen. Dhe e ardhmja është bashkimi vullnetar, dhe me mision fisnik për të gjithë qytetarët për integrimin e vendit në BE. Ardhmëri ka vendi vetëm me anëtarsimin në BE. Ne jemi të gjithë bashkë për të dhënë disa porosi, të dëgjojnë të gjitha ata se ne nuk garojmë e konkurojmë as në zonën tre e në zonën katër, mobilizohen që ne të mos fitojmë andej le ta shohin që sonte nuk do t’i marri gjumi do të harrojnë edhe treshin edhe katrën. Vëllezër e motra, të bashkuar nuk ka gjë që nuk arrihet, me sa skepticizëm flisinin se nuk bëhet kryeministri shqiptar, ca talleshin dhe sot le ta përballojnë Talat Xhaferin kryeministër. Bujar Osmani kandidat më i mirë as te thonji nuk e arrinë dot gjashtë të tjerët. Andaj, të mobilizohemi fortë t’i rrënojmë barikadat se ky vend është edhe i yni këtu gjak ka derdhur Nexhat Agooli, Pjetër Gordani, e bijtë ma të mirë të UÇK-së, prandja t’i dalim zot tapisë të mos thyhemi më asnjë betejë, më 8 maj dhe 24 prill është referendum ta dësmojmë se ky vend e ka në Europë vendin.

Ziadin Sela u shpreh se duhet dëgjuar mesazhi i popullit që është bërë bashkë sonte, sepse Fronti Europian është ëndrra e të gjitha komuniteteve në Maqedoninë e Veriut.

Sonte nëpërmjet jush më mirë se çdo njeri tjetër na dëgjonë mirë te pallati i bardhë, se nuk ka 61. Nuk ka do ta ndalim huxhumin tuaj nga jeni nisur për t’i ndalë të drejtat e shqiptarëve, për t’i ndal të drejtat e pakicave tjera. Të dashur vëllezër e motra ju jeni mesazhi më i mirë që duhet të jepet për këto zgjedhje, ju e keni parë si Mickoski me VMRO-në, Levicën e të tjerë dhe me disa kukulla që i ka gjetë te shqiptarët që ngjajnë me kukullat ruse. Bilalli ka hyrë te Izeti, e Izeti te Bekimi, Bekimi te Arbeni, e Arbeni te Afrimi e bashkë të paketuara në valixhen e Mickoskit. Mosni vëllezër, dëgjoni mesazhin e këtij populli që është bërë bashkë sonte, sepse Fronti Europian është ëndrra e të gjitha komuniteteve në Maqedoninë e Veriut. Të dashur vëllezër edhe pak ditë duhet të jepni verdiktin që të bëheni pjesë e këtij bashkimi, që do të na sjellë vetëm të mira. Bashkë ishim kur e sollëm kryeparlamentarin e parë shqiptarë, e kur e sollëm ligjin për gjuhën, dhe bashkë do të ta çojmë Bujarin në raundin e dytë të zgjedhjeve dhe bashkë me të në 8 maj do të korrim fitore.

Bujar Osmani theksoi që ky vend është shtëpia jonë dhe atë ta ruajmë e ta bëjmë më të begatë.

Po ju lutem të heqim hijet e së kaluarës, pritjen e pafund dhe pa perspektivë. Të shikojmë para e ta mbështesim Frontin Europian. Ta mbështesim Frontin, sepse ai është garantues dhe udhërrëfyes, ai është feneri që do ta çojë Maqedoninë e Veriut drejt Europës. Se ky vend është shtëpia jonë dhe ta ruajmë e ta bëjmë të begatë për brezat që vijnë, tha Osmani.

Menduh Thaçi shtoi se mendon që Bashkësia Ndërkombëtare, aleatët tonë strategjik, gjithë këtë angazhim tuajin që është mahnitës do ta kuptojnë drejt.

Fushata zgjedhore është për të polemizuar me kundërshtarët, unë mendoj se eksponentët e nacionalizmit maqedonas, vetëm e vërtetojnë historinë e re të Maqedonisë së Veriut dhe të shqiptarëve. U kujtohet apo? “Ova ne e Skopje”, ata si duket janë plotësisht të vetëdijshëm se ky është Shkupi, prej sot duhet të jenë të vetëdijshëm se me Ali Ahmetin dhe Frontin, “ne e Veles është Velesi”, “ne e Prilep është Prilepi” e kështu me radhë deri në Strumicë, me vëllezërit tonë që flasin gjuhën Turke, unë mendoj se Bashkësia Ndërkombëtare, aleatët tonë strategjik, gjithë këtë angazhim tuajin që është mahnitës do ta kuptojnë drejt. Ju u çoni atyre porosi mijëra vjecare, se ne jemi pjesë e kulturës së tyre, ne jemi popull i shtypur me mijëra vjet, ne nuk kemi plane për të shtypur të tjerët, ne jemi Amerikan, Gjerman, Anglez dhe Europian.

Skender Rexhepi Zejd nënvizoi që fushata e Frontit Europian është edhe garë po edhe betejë politike.

Hera e parë ndodh që shqiptarët janë pjesë e një fronti bashkë me boshnjakët, truqit dhe romët që do mbrojë vlerat dhe familjet tona dhe do të sistemojë standardet europiane që do bëhemi mbrojtës të këtyre vlerave. Fushata jonë është në garën politike dhe betejë politike, garën politike nuk e kemi me opozitën shqiptare ndërsa ata përditë po ofendojnë dhe shpifin Frontin europian ndërsa gojën nuk e hapin për tjerët. Beteja politike është me opozite nacionaliste maqedonase të cilët kërkojnë 61 deputet për të qeverisur pa shqiptarët tentojnë të na kthejnë në kohën para 2001, kësaj pune i ka vdekur nëna, se nuk ka më Gostivar e Bit Pazar e Universiteti i Tetovës,

Arjanit Hoxha

Sheshi i Shkupi sonte duket më i bukur se asnjëherë më parë, kjo fotografi, kjo pamje është realiteti i Maqedonisë së Veriut. Ne nuk jemi këtu për të marë diçka nga dikush, po thjesht të demostrojmë kapacitetin tonë shoqëror për të menaxhuar me hisen që na takon në shtëpinë tonë. Në thuajse dy javë fushatë për zgjedhjet Presidenciale kemi shpjeguar rëndësinë e këtyre zgjedhjeve dhe momentumin politik se pse ne u bashkuam në Frontin Europian, edhe pse për fat të keq partitë politike shqiptare në opozitë u munduan përmes propagandës të erët të na sulmojnë dhe degradojn. E kemi thënë që ditën e parë se beteja jonë politike është kundër strukturave politike nacionaliste maqedonase të cilët edhe kur kanë problem me Greqinë fajin ua kanë shqiptarët, edhe kur kanë problem me Bullgarinë fajin e hedhin te shqiptarët, dhe këtë më mirë e dëshmoi para disa ditëve edhe Mickoski i VMRO-DPMNE i cili bëri thirrje publike që të pamundësohet në zonën numër 3 Fronti Europian të ketë deputet, pa e menduar fare se me këtë thirrje ai dëshiron të kthen kohën e majorizimit jo vetëm kundër shqiptarëve por edhe kundër turqve, boshnjakëve dhe romëve.

Bejxhan Iljaz nënvizoi që duke votuar për koalicionin e Frontit Europian më 24 prill dhe 8 maj, do të votojmë për të ardhmen tonë dhe të brezave pas nesh.

Entuziazmin që pashë gjatë fushatës dhe duke parë turmën e mbledhur këtu sot, shoh që kombi ynë tashmë e ka marrë vendimin e tij. Koalicioni e Frontit Evropian do të shpallë fitoren më 24 prill dhe 8 maj. Vendi ynë është në prag të një periudhe historike. Të gjithë këtu sot në ditën e zgjedhjeve duhet të mobilizohet me të gjitha forcat, pa kushte, të pasqyrojë vullnetin e saj në kutinë e votimit dhe të ketë fjalën për të ardhmen tonë. Mos harroni se: Duke votuar për koalicionin e Frontit Europian më 24 prill dhe 8 maj, ne do të votojmë për të ardhmen tonë dhe të brezave pas nesh. Koalicioni të Frontit Europian garanton anëtarësimin e plotë të vendit tonë në Bashkimin Europian.

Fatima Osmanovska në vijim tha që romët janë këtu, zëri rom është këtu, në këtë front.

Ndërsa të gjithë shpirtrat e vegjël, tradhtarë të komunitetit rom, janë vetëm një varëse për partitë maqedonase për vite me rradhë dhe janë krenarë që qëndrojnë pas tyre si dekorim, duke u dhembur shpatullat e tyre nga goditja në supe, unë nga ana tjetër si lider romë i Unionit Rom, të ketë rastin të qëndrojë me krenari krah për krah me liderët më të mëdhenj të komunitetit shqiptar, komunitetit turk dhe boshnjak dhe nga qendra e Maqedonisë për të thënë: Romët janë këtu, zëri rom është këtu, në këtë front.

Munir Kolashinac nënvizoi që sa herë që boshnjakët ishin në koalicion me popujt vëllezër i kemi arritur të drejtat tona dhe kemi vendosur qëllime më lehtë.

Fronti Evropian është një koalicion politik shumëkombësh që mbron: anëtarësimin e Maqedonisë së Veriut në BE, reformën e sistemit gjyqësor, barazinë e të gjithë qytetarëve në të gjitha çështjet që kanë të bëjnë me përdorimin zyrtar të gjuhës amtare, arsimin në gjuhën amtare, panairin. përfaqësimi etnik në të gjitha institucionet shtetërore etj. Në të njëjtën mënyrë, të gjithë e dinë se sa herë që boshnjakët ishin në koalicion me popujt vëllazërorë me të cilët jetojnë në të njëjtin mjedis, pra me shqiptarët, turqit, torbeshitë, goranët dhe romët, ne i kemi arritur të drejtat tona dhe kemi vendosur qëllime më lehtë dhe shpejt dhe se jeta ishte më e mirë.

Në debatin e parë zgjedhor të të gjithë kandidatëve për President, morri pjesë edhe Arben Taravari kandidat nga koalicioni VLEN. Ai vendoi theksin në kthimin e besimit të qytetarëve në Presidencë, njëjtë si e ka bërë në Ministrinë e Shëndetësisë, si ministër më i suksesshëm i qeverisë.

“Si mjek, profesionist, si neurolog, dua të jem racional dhe pragmatik, kjo është e rëndësishme në jetë dhe në politikë. Si Ministër i Shëndetësisë kemi arritur të jemi si institucion më i besueshëm në shtet, sipas anketës së IRIT, e kthyem besimin e qytetarëve në institucionin e shëndetësisë andaj besojmë se të njëjtën do ta bëjmë me presidencën. Në Gostivar kam arritur te fitoj 2 mandate njeri pas tjetrit. Gostivari është si një Maqedoni e Vogël, kemi arritur të mbajmë një kohezion si një Maqedoni e Vogël. Gjithmonë është mirë kur zgjedh probleme.” – theksoi Arben Taravari.