Përfundoi sezoni 2024/2025 në ligën e parë të futbollit vendor. Shkëndija e Tetovës zyrtarisht pranoi trofeun si kampion i Maqedonisë së Verit për këtë sezon dhe do ta prezantoj vendin në garat kualifikuese për Ligën e kampionëve, ndërsa Sileksi dhe Rabotniçki do të prezantohen në ligën e konferencave. Besa e Dobërdollit më 25 maj do të luan ndeshjen e balotazhit me Bashkimin e Kumanovës për një vend të shprazët në elitë.
Dy fitore për ekipet vendase dhe dy për ato mysafire me 20 gola të shënuar është epilogu i katër ndeshjeve të zhvilluara në xhiron e 33-të dhe të fundit të sezonit 2024/2025 në elitën e futbollit të Maqedonisë së Veriut, ku tani më në sipërfaqe dolën të gjitha të pa njohurat. Shkëndija është kampione dhe do garon në kualifikueset e Ligës së Kampionëve, Sileksi dhe Rabotniçki do të garojnë në Konferencë Ligë, ndërsa Besa e Dobërdollit do të luajë në balotazh për të siguruar garat mbijetesën në elitën e futbollit, ndërsa dy futbollistët Besart Ibraimi I Shkëndijës dhe Marko Gjorgjievski i Sileksit me nga 15 gola të shënuar kanë ndarë epitetin golashënues më të mirë të sezonit 2024/2025.
Pavarësisht disfatës 3:1 nga Sileksi në ndeshjen e fundit të sezonit në Tetovë nuk mungoi festa e titullit kampion të Shkëndijës, skuadër kjo që një gjë të tillë kishte siguruar që dy xhiro më pare. Falë heqjes së ndalesës për tifozët kësaj radhe falë vendimit të FFM-së në tribunat e stadiumit ishin një numër i konsiderueshëm i tifozëve të cilët madhëruan këtë moment historik për ekipin kuqezi të cilët e ngritë lartë trofeun të cilin kapitenit Besart Ibraimit ia dorëzuan presidenti i FFM-së Masar Omeragiq dhe anëtari i Këshillit Drejtues Agim Ibraimi. nga ana tjetër drejtuesit e Shkëndijës për këtë rast kishin përgatitur gjithçka në mënyrë perfektë, duke filluar që nga programi artistik, e deri te momenti te ndarja e medaljeve për të gjithë ata të cilët kanë qenë pjesë këtij suksesi në sezonin 2024/2025. Kujtojmë se skuadra kuqezi në j kampionatin 2024/2025 nga 33 ndeshje të zhvilluara ka regjistruar 20 fitore, 10 barazime dhe 3 disfata me gola averazh 59-30 duke grumbulluar 70 pikë që dolën të jenë të mjaftueshme për të fituar titullin e pestë kampion. Këtë festë të madhe për titullin e pestë Kampion i Maqedonisë së Veriut me përpikëri e ka ndjekur Televizioni Koha, Në vazhdim të ndjekim opinionet e aktorëve kryesor për këtë sukses të klubit të futbollit Shkëndija
JETON BEQIRI – TRAJNER I KF SHKËNDIJA
‘’Normalishtë se jemi të lumtur që rikthejmë titullin pas katër viteve në Tetovë dhe fitimi i titullit në Tetovë dhe me Shkëndijën është diçka e veçantë për mua personalisht’ deklaroi trajneri Jeton Beqiri.
‘Ky është titulli i shtatë, katër herë me Shkëndijën, dy herë me Strugën dhe një herë me Renovën. Të them të drejtën çdo herë ky ka qenë viti më i vështirë me rrethanat që kanë ardhë, ky trofe ishte më i vështirë por më me vlerë të madhe. Kështu që çdo herë kur i kam dhënë kontribut këtij ekipi e kam ndijë veten pak më mirë’’ deklaroi kapiteni Besart Ibraimi
Besa nga Dobërdollli zhvilloi ndeshjen më të bukur në kë kampionat duke e mundur Pelisterin në Manastir me rezultat të thellë 4-1 por fatkeqësisht ekipi për të siguruar mbijetesën në elitë do të duhet të luan në balotazh me shpresë se do t’ia dal dhe atë me Bashkimin e Kumanovës.
Fitore me shumë peshë regjistroi AP Brera, që mundi Rabotniçkin me rezultatin 3:2, me çka siguroi edhe mbijetesën. Në Kavadar Tikveshi dhe Struga trim Lum barazuan duke luajtur me shifrat 3-3
Për në fundit kampionati i futbollit sezoni 2024.2025, në Ligën e Parë përfundoi ashtu siç përfundoi me sfida dhe ndodhi të shumta ndoshta edhe të pa pritura, por të shpresojmë se këto do të jenë ndodhitë e fundit dhe në kampionatet e radhës do të shohim futbollit më cilësor dhe më të drejtë krejt duke u bazuar në implementimin e sistemit VAR.
Shaban Sinani – TV Koha
