Dy më rëndë dhe tre më lehtë janë lënduar në aksidentin e mbrëmshëm që ka ndodhur para hyrjes në Veles, kur një automjet ka dalë nga rruga dhe ka rënë në hekurudhën Gradsko-Veles, ndërsa pastaj në të është përplasur treni i cili ka qarkulluar në linjën Gjevgjeli-Shkup. Për fat të mirë, udhëtarët kanë qenë jashtë makinës kur treni është përplasur në të.
Midis më rëndë të lënduarve është edhe foshnja tremuajshe e cila ka lëndime në kokë dhe e cila mbrëmë pas dhënies së ndihmës mjekësore në Spitalin e Përgjithshëm në Veles është transportuar në klinikat e Shkupit së bashku me nënën e saj 21 vjeçare e cila ka marrë lëndime më të lehta. Pas kontrollit në klinikat e Shkupit, nëna dhe foshnja sërish janë kthyer në Spitalin e Shkupit në Veles ku ende janë në shërim.
I dyti më rëndë i lënduar është shoferi i cili ka frakturë në kurriz dhe i cili për shkak të lëndimeve serioze është transportuar në klinikat në Shkup.
Zëdhënësi i Spitalit të Përgjithshëm së Velesit për MIA-n informoi se të gjithë të lënduarit janë jashtë rrezikut për jetë.
Aksidenti ka ndodhur dje në orën 19.5 në hekurudhën Gradsko-Veles në rreth dy kilometra para hyrjes në Veles kur automjeti “reno” ka dalë nga rruga dhe ka rënë në hekurudhë. ad/ar/
