Me mbjelljen e fidaneve në oborrin e SHF “Dimitar Milladinov” Shkup sot zyrtarisht nga delegacione të Maqedonisë së Veriut dhe Bullgarisë do të shënohet fillimi i projektit “E ardhme pa plastika”.
Në ngjarje do të marrin pjesë ministrja e Punëve të Jashtme e Republikës së Bullgarisë, ambasadori bullgar në vend, Angel Angellov, koordinatorja speciale për Procesin e Berlinit pranë MPJ-së, Daniella Budinova, si dhe ministri i Punëve të Jashtme, Nikolla Dimitrov, i Shëndetësisë, Venko Filipçe dhe i Mjedisit Jetësor dhe Planifikimit Hapësinor, Naser Nuredini.
Projekti “E ardhme pa plastika” është financuar nga Ministria e Jashtme e Bullgarisë në kuadër të Programit bullgar operativ për zhvillim.
MEDIAL.mk
