20/06/2024
21.2 C
Tetovo

Të tjera lajme

Rasti Mijallkov mund të komplikojë funksionimin e shumicës parlamentare

Rasti i arratisjes dhe paraqitjes para organeve të drejtësisë të ish-shefit të shërbimit sekret Sasho Mijallkov, dhe dënimet drakonike për rastin “Monstra” mund ta lëkundin funksionimin shumicës parlamentare, kështu vlerëson ish-deputeti Zudi Xhelili.

“Meqënse Qeveria me dashje apo dashje bëhet pjesë e lojërave të tilla institucionale, këto ngjarje duhet ta komplikojnë funksionimin e shumicës parlamentare. Në Maqedoni edhe më tej vazhdojnë të dalin në sipërfaqe dobësit institucionale. Drejtësia në vend asesi të reformohet dhe të vlej për të gjithë një lloj. Në njërën anë kemi procesin “Monstra” ku përsëru nuk u verifikuan faktet, motivet apo organizatorët e ngjarjes, ndërsa në anën tjetër kemi procesin gjyqësor “Target Fortesa” dhe cirkun me kriminelin më të madh në vend Sashko Mialkov. Meqënse se Qeveria me dashje apo pa dashje bëhet pjesë e lojarave të tilla institucionale, këto ngjarje duhet ta komplikojnë funksionimin e shumicës parlamentare”, vlerëson në prononcimin e tij për Zhurnal, Zudi Xhelili, ish-deputet.

Sipas tij, çdo parti nga shumica parlamentare që do të distancohet e para nga këta lojëra të pahishme do të vlerësohet lartë nga popullata. “Një vend që pretendon anëtrësim në BE nuk guxon të tallet me popullin duke montuar apo inskenuar procese gjyqësore, këto situata janë të kushtueshme për vendin”, thekson Xhelili. (Zhurnal.mk)

Të fundit