Me masa të rrepta, me siguri të rreptë policore, sot shënohet 151 vjetori i lindjes së revolucionarit maqedonas, në kishën e Shën Spasit ku ndodhet varri i Goce Deleçvit. Të kontrolluara rreptësisht, vetëm delegacionet më të rëndësishme do të lejohen në Kishë.
Një helikopter policie fluturon mbi qytetin e Shkupit.
Sipas njoftimeve, nderime para varrit të Goce Dellçevit do të bëjnë presidenti Stevo Pendarovski, delegacion qeveritar i kryesuar nga kryeministri Dimitar Kovaçevski, kryetari i VMRO-DPMNE-së Hristijan Mickoski, si dhe delegacione të tjera të institucioneve të partive politike.
Ministria e Punëve të Brendshme të Bullgarisë njoftoi se mbi varrin e Goce Dellçevit në Shkup do të vendosen lule nga zëvendëskryeministri bullgar për rend dhe siguri publike dhe ministri i Punëve të Brendshme Ivan Demerxhiev dhe zëvendësi i tij Vençisllav Katinov.
Në pritje të shënimit të përvjetorit, i cili cilësohet si ngjarje me rrezikshmëri të lartë, është forcuar siguria policore rreth “Sveti Spas”, ku policia ka nën kontroll edhe afrimet drejt kishës. Forcat e policisë janë të dislokuara në zonën më të gjerë rreth kishës “Sveti Spas” dhe në të gjithë gjatësinë e rrugëve që të çojnë drejt saj. Vetëm personat e autorizuar kanë akses.
Rruga “Samoilova” është e mbyllur për qarkullim që nga e enjtja nga ora 18, nga rruga “Iljo Vojvoda” deri në kryqëzimin me rrugën “Prohor Pczinski”, ndërsa sot regjim i veçantë do të vendoset edhe në rrugën “Lazar Liçenoski”.
Vetëm delegacionet e paralajmëruara do të lejohen sot të hyjnë në kishën “Llixha e Shenjtë”, ndërsa të gjitha delegacionet e tjera dhe qytetarët që nuk janë njoftuar nuk do të mund të vendosin lule gjatë ceremonisë shtetërore.
Një grup qytetarësh mbrëmë kanë shkuar te varri i Goce Dellçevit në përpjekje për të zbatuar “rojet e natës”. Ata nuk u lejuan të hynin dhe u ndaluan në vendin ku është vendosur kordoni policor. /Telegrafi/
