27/05/2024
18.4 C
Tetovo

Të tjera lajme

Suspendohen komandanti dhe katër policët që dërgonin Bekim Memetin në spital

Katër policë të burgut që dërgonin të dënuarin Bekim Memeti nga INP Idrizovë në Qendrën Urgjente “Nënë Tereza” dhe komandanti që ka dhënë urdhrin janë suspenduar nga puna, kanë konfirmuar për MPB-në nga Ministria e Drejtësisë.

Ata dyshohet se janë pjesë e aksionit për arratisjen e të burgosurit Memeti të dënuar me 20 vite burg.

Memeti tani është në arrati dhe besohet se tashmë ka ikur në Kosovë. Ndaj tij është lëshuar një urdhër ndërkombëtar.

Komandanti i cili ishte në turn kur ndodhi arratisja e të burgosurit të dënuar për tentativë vrasje dhe drogë, është një person i dënuar për marrje ryshfeti si punonjës policie në MPB.

Gjatë arratisjes së të dënuarit nga “Idrizova”, i cili po dërgohej për intervenim mjekësor, është lënduar një pjesëtar i policisë së burgut.

Të fundit