Një organizatë nacionaliste maqedonase pro-ruse dërgoi një email me kërcënime për shkollat në Stara Zagora, Bullgari, raportoi BGNES.
Kështu shkruan ai në përmbajtjen e emailit që ka mbërritur tek drejtuesit e shkollës, të cilin e kanë publikuar mediat bullgare.
“Ne jemi një organizatë e nacionalistëve maqedonas. Ne jemi të lodhur nga Bullgaria dhe politika e saj. Të gjitha shkollat e Stara Zagora do të hidhen në erë nga bombat tona Butaneze. Të gjithë fëmijët tuaj do të vdesin. Lavdi Maqedonisë. Për Rusinë”, thuhet në përmbajtjen e letrës.
14 shkolla kanë marrë kërcënime me e-mail sot, dhe në pesë prej tyre nxënësit janë evakuuar dhe mbyllur, tha policia.
Disa nga shkollat janë kërcënuar për të tretën herë radhazi. Të tjerat, të cilat u mbyllën dje, filluan mësimet sot në orën 10:00.
Sipas burimeve të brendshme, letrat kërcënuese kanë një tekst pak më ndryshe nga ai që morën institucionet arsimore ditën e parë të sulmit, më 27 mars.