16/07/2024
25.1 C
Tetovo

Të tjera lajme

(VIDEO) Maturanti i ulur në çatinë e një xhipi i ka treguar gishtin e mesit një polici në Shkup, MPB do ta thërrasë për bisedë.

Në rrjetet sociale është shfaqur një video në të cilën një maturant i ulur në çatinë e një xhipi luksoz pranë hotelit “Aleksandar Palace” në Shkup i tregon gishtin e mesit një polici.

Polici përpiqet të vendosë rregull dhe të largojë nga automjeti djalin që po feston moshën madhore në çati me shokët e tij. Videoja ka shkaktuar reagime të stuhishme në rrjetin social Facebook.

Nga MPB e konfirmuan ngjarjen për “A1on” dhe thanë se identiteti i djalit është vërtetuar dhe ai do të thirret për intervistim në stacionin në Karposh.

“Lidhur me çështjen e personit i cili sillet keq në vend publik është konstatuar identiteti i tij dhe i njëjti do të thirret në Stacionin Policor Karposh nga zyrtarët policorë të MVR Karposh dhe kundër tij do të ngrihet kallëzim penal përkatës, tha Ministria e Brendshme.

Qytetarët janë të indinjuar nga reagimi i tij.

“Ti mendon se ka mbaruar një astronaut, por mezi ka mbaruar shkollën e mesme”, “Po të isha prind i një fëmije, do t’i jepja një shuplakë për ta rritur”, janë vetëm disa nga reagimet në rrjetet sociale.

Të fundit