Kryetari i Aleancës për Shqiptarët (ASH), Ziadin Sela theksoi se barazia është kushti kryesor i koalicionit të tyre që nënkupton barabarësinë para ligjit dhe barabarësi në të gjitha sferat në shtet.Ai këtë e theksoi në emisionin “200” në Alsat-M.
Duke folur për ecurinë e fushatës, programin,vizionin dhe planin qeverisës të Koalicionit ,,Tash është Koha” Ziadin Sela ka thënë: “Programi jonë i titulluar,,shtet për të gjithë” ka dimensionin e barabarsisë para ligjit për çdo qytetarë pa dallim përkatësie etnike, jo vetëm para organeve të adminiatratës por mbi të gjitha barabarësia para organeve të drejtësisë, me fjalë të tjera, Ziadin Sela është i barabartë para ligjit si çdo qytetarë tjetër.
Sipas tij, barazia është kusht, sepse kjo nuk është dëshirë e jona, por nevojë e qytetarëve që duhet bërë patjetër. (INA)
