13/08/2022
19.9 C
Tetovo

Të tjera lajme

Ali Ahmeti: Jasharajt, janë emblema e pavarësisë së Kosovës

Lideri i shqiptarëve në Maqedoninë e Veriut, Ali Hmeti, me rastin e 22 vjetorit të “Epopesë së UÇK–së”, pas vizitës te familja emblematike Jasharaj, ka shkruar në rrjetin social se “sot u riktheva në Kosovën time, aty ku i gjej të ngërthyer të gjitha, për të qëndruar pranë Jasharajve, përgjithmonë, sa të jetë jeta”.

Ahmeti, ka vlerësuar heroizmin e Familjes Jashari, duke theksuar se “Jasharajt, Baca Shaban, Ademi e Hamza, janë emblema e pavarësisë së Kosovës, e luftës së popullit shqiptar, e fitores së kombit tonë”.

Postimi i tij i plotë:
Sa popuj njohin njëkohësisht krenarinë dhe dhimbjen, mallin dhe ngadhnjimin, fitoren në sakrificën sublime, durimin në palcë, zemrën zjarr e kokën akull, lotin dhe buzëqeshjen, rënien dhe ngritjen, përjetësinë…
Jasharajt, Baca Shaban, Ademi e Hamza, janë emblema e pavarësisë së Kosovës, e luftës së popullit shqiptar, e fitores së kombit tonë.

Sot u riktheva në Kosovën time, aty ku i gjej të ngërthyer të gjitha, për të qëndruar pranë Jasharajve, përgjithmonë, sa të jetë jeta.botasot.

Të fundit