Kriza me pandeminë e Kovid-19 sipas projeksioneve të Ministrisë së Financave, do ta ulë aktivitetin ekonomik në vend për 3,4 për qind. Biznesi vlerëson se vendin e pret një periudhë e vështirë e kapërcimit të krizës dhe rinovimit të flukseve ekonomike, për të cilat ka pritshmëri nga paralajmërimi për heqjen e masave shëndetësore që e kanë bllokuar punën e shumë veprimtarive.
Kriza me pandeminë e Kovid-19 sipas projeksioneve të Ministrisë së Financave, do ta ulë aktivitetin ekonomik në vend për 3,4 për qind. Biznesi vlerëson se vendin e pret një periudhë e vështirë e kapërcimit të krizës dhe rinovimit të flukseve ekonomike, për të cilat ka pritshmëri nga paralajmërimi për heqjen e masave shëndetësore që e kanë bllokuar punën e shumë veprimtarive.
Informacioni i fundit nga institucionet shëndetësore tregon se epidemia po zbehet, për këtë arsye masat pritet të qetësohen. Sipas njoftimeve, protokollet e punës të kompanive dhe institucioneve të mbyllura duhet të përpunohen deri në fund të kësaj jave dhe ato pritet të zbatohen qysh në javën e ardhshme.
Ministrja e Financave, Nina Angellovska, në konferencën për shtyp vlerësoi se për momentin punët po zhvillohen më mirë se sa pritej me skenarin e kujdesshëm të këtij dikasteri për ballafaqim me krizën.
“Deri më tani, gjërat po shkojnë siç po shohim diç më mirë se skenari i parashikuar nga Ministria e Financave, e cila u konsiderua më e favorshme, që është një shenjë e mirë. Sigurisht, ne jemi të gatshëm t’i përgjigjemi skenarit të rastit më të keq, por duhet të mbajmë në mend edhe paparashikueshmërinë e kësaj krize, gjë që e bën të vështirë parashikimin dhe projektimin, prandaj është e rëndësishme që të përgatitemi që çdo skenar të përgjigjet në çdo kohë, në mënyrë që të amortizohen goditjet në ekonomi dhe për të ndihmuar si sektorin privat ashtu edhe qytetarët që ta kalojnë atë me sa më pak pasoja të jetë e mundur”, tha Angellovska.
Realizimi i Buxhetit tregon se në prill të këtij viti janë realizuar të hyra buxhetore prej 14,2 miliardë denarë, që paraqet rënie prej 20 për qind në krahasim me prillin e vitit të kaluar. Të ardhurat nga tatimet në prill janë 7,2 miliardë denarë dhe janë ulur për 31 për qind në krahasim me prillin e vitit të kaluar, ndërsa janë realizuar kontribute prej 5,5 miliardë denarë, në nivel të njëjtë me periudhën e vitit të kaluar. Realizimi i të ardhurave të tjera buxhetore (jotatimore, kapitale dhe donacione) është rreth 1,5 miliardë denarë dhe te ata ka rënie prej 20 për qind në bazë vjetore.
“Skenari themelor i Ministrisë së Financave parasheh ngadalësim të aktivitetit ekonomik për -3,4 për qind me atë që efektet nga kriza e koronës ndaj ekonomisë, pritet që të jenë më të mëdha në tremujorin e dytë, në të tretin pritet ngadalësim i tkurrjes, përderisa në rimëkëmbjen e katërt të ekonomisë edhe rritje”, tha ministrja e Financave, Nina Angellovska.
Konform projeksioneve për rritje globale, si dhe projeksioneve tek partnerët tanë tregtarë, kërkesa e jashtme do të bjerë. Kjo, sqaroi Angellovska, do të ndikojë në komponentën e eksportit për të cilin projektohet një rënie prej 16.8 përqindve në bazë reale.
Siç tha, duke pasur parasysh masat restriktive për mbrojtjen e shëndetit të qytetarëve, ndërprerjen e aktiviteteve ekonomike ose rëndimin e disa zinxhirëve të blerjes së anës së të ardhurave është pritur. Megjithatë, tha,në skenarin themelor të Ministrisë së Financave, skenari i ashtuquajtur i favorshëm rënia e projektuar për prill është më e lartë, gjegjësisht 40 për qind të të ardhurave nga tatimi. “Kjo nënkupton se kemi pagesë më të mirë për 1,4 miliardë denarë sa i përket projeksioneve korona për prill, gjegjësisht se skenari jonë i përpunuar mund të thuhet se ka qenë më konservator ose më i kujdesshëm”, tha Angellovska.
Të dhënat që publikoi dje Oda ekonomike e Maqedonisë tregojnë se 71 për qind e anëtareve të saj edhe krahas problemeve me të cilat po përballen për shkak të pandemisë së shkaktuar nga përhapja e koronavirusit tani për tani nuk paralajmërojnë mbyllje të kompanive. Por megjithatë, siç cekin nga oda, para të gjitha kompanive qëndron problemi me mirëmbajtjen e likuiditetit dhe problemi me eksportin e shtetit për shkak të ndërprerjeve të paralajmëruara të një pjese të madhe të marrëveshjeve.
Sipas Odës ekonomike të Maqedonisë tashmë muajin e dytë funksionon në rrethana jashtëzakonisht të vështira, ndërkaq mbështetet në rezervat e veta, por dhe se masat qeveritare edhe përkundër vullnetit më të mirë dhe qëllimit të Qeverisë janë të komplikuara dhe vështirë të kapshme për një pjesë të konsiderueshme të anëtareve të veta.
“Të gjitha pikëpamjet tona flasin se anëtaret tona gjatë majit , ka gjasa të mëdha të përballen me problemin e likuiditetit në të cilin pjesë të vet mund të ketë edhe Qeveria, për shkak të ndërprerjeve të paralajmëruara të një pjese të madhe të marrëveshjeve, eksporti i shtetit ndodhet në gjendje mjaft problematike”, tha në konferencën për shtyp Antoni Peshev, bashkëkryesues i Kuvendit të Odës ekonomike të Maqedonisë.
Sipas VMRO-DPMNE-së opozitare, rënia e të ardhurave buxhetore për 20 për qind është tregues se ekonomia e vendit është në krizë të madhe.
Siç njoftoi ministrja Angellovska, Qeveria e përcjell situatën dhe nëse duhen masa shtesë, ato do të merren. Tashmë është duke u bërë një plan për hapjen graduale të ekonomisë dhe përgatitja e tij përfshin dikasteret ekonomike dhe odat ekonomike. Tani për tani nuk mund të thuhet se kur di të ndodh kjo, për shkak se, siç tha, gjithçka varet nga kriza shëndetësore, nga linja e të sëmurëve të rinj, të shëruarve. mb/
