Shtabi komunal i krizës në Kumanovë do të kërkojë nga Komisioni për Sëmundje Infektive në Ministrinë e Shëndetësisë t’i testojë të gjithë punonjësit shëndetësorë dhe të gjithë punonjësit në SPB dhe (Njësia e zjarrfikësve) Kumanovë dhe të vazhdojë testimin e vazhdueshëm të qytetarëve në territorin e Komunës së Kumanovës. Kjo është një pjesë e konkluzioneve, rekomandimeve dhe masave të miratuara nga Shtabi në seancën e sotme.
“Kërkojmë nga Qeveria e Republikës së Maqedonisë së Veriut të marrë një vendim urgjent për ta vendosur Kumanovën në karantinë të plotë. Ne kërkojmë nga Qeveria e Republikës së Maqedonisë së Veriut të marrë një vendim për zhvendosjen e 81 refugjatëve nga QTP -Tabanoc, të cilët kanë qenë në kamp për më shumë se njëzet ditë”, thuhet në kumtesën e Shtabit komunal të krizave.
Shtabi e ka detyruar NP “Pastërti dhe gjelbërim”- Kumanovë që të vazhdojë me dezinfektimin e vazhdueshëm të ndërtesave të banimit për banim kolektiv dhe të hapësirave publike.
Prej atje bëjnë thirrje për qytetarët që ta respektojnë orën policore dhe rekomandimet e Qeverisë së Republikës së Maqedonisë së Veriut, t’i zvogëlojnë daljet e tyre dhe ta minimizojnë braktisjen e shtëpive të tyre. ls/fab
