Mustafa: Nuk kemi informata se ku janë Demiri dhe Ismailloviq, por do të bashkëpunojmë me Shkupin - Tv Koha
Maqedoni

Mustafa: Nuk kemi informata se ku janë Demiri dhe Ismailloviq, por do të bashkëpunojmë me Shkupin

Ministri i Punëve të Brendshme të Kosovës, Ekrem Mustafa sot deklaroi se nuk ka informata se ku janë Alil Demiri dhe Afrim Ismailloviq të cilët janë të akuzuar në rastin “Monstra”.

Mustafa pas stërvitjes së sotme trilaterale taktiko-treguese “Western Balkan’s flash”, tha se Prishtina do të bashkëpunojë me Shkupin dhe do të veprojë në pajtim me ligjet lidhur me kërkesën për ekstradimin e tyre.

“Për momentin nuk kemi informata se ku ndodhen, por në pajtim me procedurat ligjore, ne do të veprojmë dhe do të bashkëpunojmë me Republikën e Maqedonisë së Veriut”, deklaroi Mustafa duke iu përgjigjur pyetjeve të gazetarëve nëse ka informata për Dmeirin dhe Ismailloviqin dhe kur ata do të ekstradohen.

Alil Demiri dhe Afrim Ismailloviq, janë në mesin e të akuzuarve për vrasjen e pesëfishtë afër Liqenit të Smillkovës më 12 prill të vitit 2012. Që të dy kanë ikur në Kosovë, ndërsa autoritetet në Shkup shpallën fletë arrest ndërkombëtar për ta dhe nga Kosova kërkuan të ekstradohen në vend. ab/

Related posts

Sot skadon afati 48 orësh për koalicionimin trepalësh, cili do jetë vendimi i ASH-së?!

Televizioni Koha

Puna nga shtëpia, trend i përkohshëm!

Televizioni Koha

Reka nga takimet në Veles dhe Jabollçishtë: Më 21 prill dëshmoni se nuk jeni statistikë

Televizioni Koha

Leave a Comment