Sot e ka 5-vjetorin e shuarjes fizike Xhevat Ahmeti. Ai, së bashku me të vëllain Nexhatin, poashtu ish i burgosur politik, ishin dy nga të rinjtë shumë entuziastë tetovarë dhe të përkushtuar ndaj çështjes kombëtare.
Xhevati, së bashku me të vëllain, Adnan Abdullahin (Voka), vëllezërit e tij Malin dhe Tilin, Valdetja, Nafija, Nuredini, Afrimi, Hyrijetja, Besimja, Resmija, Dashmirja, Mensuri, janë ata që të parët e mbështeten pajtimin e gjaqeve në Kosovë në vitin 1990, duke na përkrahur fuqishëm për shtrirjen e pajtimit edhe në këto troje dhe kështu përbëjnë bërthamën e parë të nismëtarëve të pajtimit të gjaqeve në Tetovë dhe Gostivar.
Gjatë kohës së luftës, Xhevati ishte mbështetje e fuqishme logjistike e Ushtrisë Çlirimtare Kombëtare (UÇK).
Si shumë shokë të tjerë, do ta ruaj përjetësisht të freskët kujtimin për shokun e përkushtuar Xhevat Ahmeti. Të gjithëve do të na mungojnë shumë dashuria, sinqeriteti dhe buzëqeshja e tij.
