Nderimi më i madh që mund t’ua bëjmë brezave që sakrifikuan për atdheun është të punojmë për realizimin e idealeve të tyre, për zhvillimin e trojeve tona. Vetëm kështu mund të nderohemi nga brezat që vijnë.
Këto ditë nëntori, në vigjilje të Ditës së Pavarësisë e të Flamurit Kombëtar, më sollën në kujtesë ngjarjen nga viti i largët 1992, kur me rastin e 80 vjetorit të Pavarësisë organizuam mbajtjen e Festivalit gjithkombëtar në Shkupin tonë të lashtë.
Ishte ky Festivali i parë gjithkombëtar i këngës shqipe që i bëri bashkë gjithë ata artistë, aktorë estrade e këngëtarë nga të gjitha trojet tona.
