Ish-kryeministri dhe kryetar i LSDM-së Zoran Zaev, ka reaguar në rrjetet sociale pas vendimit të Këshillit të Evropës për të nisur negociatat me Maqedoninë e Veriut dhe Shqipërinë.
Zaev këtë e vlerëson si vendim historik, në këto kohëra të vështira që po kalon populli, përcjell Telegrafi Maqedoni.
“Është sjellë vendimi. Maqedonia e Veriut i nisë negociatat për anëtarësim në Bashkimin Evropian. Vendim historik në këto ditë të vështira për popullin tonë. Nuk ka më asnjë pengesë, as kushte. Komisioni Evropian duhet t’i bëjë përgatitjet, ndërsa konferenca e parë ndërqeveritare do të mbahet sa më shpejtë të jetë e mundur”.
“Urime qytetarëve, siç arritëm të kthehemi në rrugën drejt NATO-s dhe BE-së, po ashtu bashkë do ta tejkalojmë edhe epideminë që e ka kapluar botën”, shkruan Zaev.
Ndryshe, ministrat e jashtëm të vendeve të BE-së në mbledhjen e sotme unanimisht mbështetën vendimin që të nisen negociatat për anëtarësimin e Maqedonisë së Veriut dhe Shqipërisë në Bashkimin Evropian./Telegrafi/
Донесена е одлука! Северна Македонија почнува преговори за членство во Европската Унија. ???? Историска одлука во овие тешки времиња за нашиот народ.
Нема веќе никакви пречки ниту услови. Европската Комисија треба да ги спроведе подготовките, а првата меѓувладина конференција ќе се одржи најбрзо што може.
Честитки граѓани, како што успеавме да се кренеме на патот до НАТО и ЕУ, така заедно ќе се справиме и со заразата која го напаѓа светот!
