Punonjësit policorë të SPB Tetovë, dje nga ora 14:00 deri në ora 19:00
në zonën e gjerë të Pollogut kanë kryer aksion kontrollues për parakalim
në të cilin janë zbuluar gjithsej 32 kundërvajtje dhe ligjërisht janw
sanksionuar. Numri më i madh i shkeljeve të konstatuara ka të bëjë me
parakalimet në vende të ndaluara, 4 në kolonë dhe 1 në vende të
pavëzhgueshme. Për të gjithë shoferët kundërvajtës janë përgatitur
parashtresa përkatëse dhe do të përballen me gjobat e parapara, e disa
prej tyre do të përballen me heqje të përkohshme të patentë shoferit nga
tre muaj deri në një vit. Gjatë kontrollit janë sanksionuar edhe 10 lloje të
tjera të kundërvajtjeve në komunikacion. Sektori i Punëve të Brendshme
Tetovë këshillon dhe udhëzon drejtuesit e mjeteve që të mos bëjnë
parakalime në zonat e ndaluara dhe veçanërisht në të ashtuquajturën
“vijë e plotë”, sepse në këtë mënyrë menjëherë rrezikojnë sigurinë e tyre
dhe të përdoruesve të tjerë të rrugës. Gjithashtu, apelohet që shpejtësia të
rregullohet sipas kushteve të rrugës, veçanërisht në orët e hershme të
mëngjesit dhe të vona të mbrëmjes, sepse kushtet e vjeshtës në rrugë
janë përpara dhe për këtë arsye do të jetë e nevojshme vigjilenca dhe
përqendrimi maksimal i drejtuesve të mjeteve./Tv Koha/
