PSG fiton trofeun Interkontinental “FIFA 2025” duke e mundur skuadrën braziliane Flamengon në finale pas ekzekutimit të penaltive , pasi ndeshja në kohën e rregulla dhe vazhdimit dy herë nga 15 minuta përfundoi me barazim 1-1. PSG bëhet skuadra e parë franceze që fiton këtë trofe
Paris Saint-Germain është shpallur fitues i Kupës Interkontinentale, duke mposhtur Flamengon në finale pas një serie dramatike penalltish, pasi koha e rregullt dhe vazhdimet nuk dhanë fitues.
PSG e nisi ndeshjen me ritëm të lartë, duke krijuar disa raste që në minutat e para. Një gol i Fabian Ruiz në minutën e 9-të u anulua pas rishikimit me VAR, pasi topi kishte dalë jashtë fushës gjatë aksionit.
Goli i parë i ligjshëm erdhi në minutën e 38-të, kur Kvartc përfitoi nga një pasim perfekt dhe e dërgoi topin në rrjetë, duke i dhënë epërsinë PSG-së 1-0. Pjesa e parë u karakterizua nga ndërhyrje të forta dhe kartonë të verdhë për të dyja skuadrat.
Në pjesën e dytë, Flamengo reagoi dhe shtoi presionin. Momenti kyç erdhi në minutën e 60-të, kur pas një faulli në zonë, gjyqtari Ismail Elfath u thirr nga VAR dhe akordoi një penallti për brazilianët të cilën e realizoi Zhorzinjo.
Në serinë e penalltive, më të saktë dolën lojtarët e PSG, duke fituar 2-1 dhe duke ngritur trofeun e Kupës Interkontinentale për klubin francez., ndërsa portieri Matvej Safonov ishte hero i kësaj fitoreje pasi arriti të mbron 4 penalti
Ky triumf vjen pas një ndeshjeje të balancuar dhe dramatike, që dëshmoi fuqinë dhe qetësinë e lojtarëve të PSG-së në momentet vendimtare.
