17/06/2024
17.1 C
Tetovo

Të tjera lajme

Ademi: BDI ende ka 15 deputetë, nuk ka vendim për largim të ndonjë deputeti

Nënkryetari i BDI-së, Arbër Ademi thotë se partia e tij është ditët më të mira të saj.

Ai për “TV21” tha se Bashkimi Demokratik për Integrim gjendet në nivelet e saja më të larta sa i përket besueshmërisë në opinion.

Sa i përket largimit të Izet Mexhitit nga partia, Ademi tha se ndjen keqardhje, mirëpo të njëjtit sipas tij kanë qenë të trajtuar mirë nga BDI dhe Ahmeti.Advertisements

“Nga mediumet jemi informuar për përcaktimin e tyre politik, në këtë rast do të doja të theksoja se bëhet fjalë për figura të rëndësishme që kanë pasur pozicione të larta politike e partiake, kanë qenë të trajtuara shumë mirë në BDI”, tha mes tjerash Ademi.

Ademi thekson se formalisht BDI ende numëron 15 deputetë dhe se Izet Mexhiti dhe Merita Koxhaxhiku ende nuk e kanë njoftuar për shkëputje nga ky grup parlamentar.

“15 numëronte grupi jonë parlamentar, por ende numëron formalisht, për arsye se si koordinator iu grupit parlamentar ende nuk ka ndonjë vendim formal për shkëputje nga grupi parlamentar, deri në këto momente nuk kam ndonjë njoftim se është tkurrur ose është rritur grupi parlamentar”, tha Ademi.

Të fundit