Tre fitore të ekipeve vendase, dy barazime dhe një fitore e ekipit mysafire me 21 gol të shënuar dhe tre kartonë të kuq është epilogu i gjashtë ndeshjeve të xhiros së 17-të në Ligën e parë të futbollit vendor. Vardari kryeson me 45 pikë. E ndjekur nga Struga Trim Lum që ka 41 dhe Shkëndija në vendin e tretë me 39 pikë
Me dy përballjet e sotme AP Brera – Makedonija Gj.P dhe Pelisteri – Rabotniçki u kompletua java e 17-të e kampionatit në Ligën e Parë të futbollit vendor.
Në Strumicë AP Brera dhe Makedonija Gj.P i ndajtën pikët duke luajtur me barazim 1-1. Autor të golit për ekipin vendas ishte Petroviq në minutën e 20-të, ndërsa barazoi Pecov në minutat shtesë të pjesës së parë
Pas kësaj ndeshje AR Brera me 20 pikë mbetet në pozitën e tetë, ndërsa Makedonija Gj/P me 16 pikë në pozitën e 10të
Në Manastir skuadra e Pelisterit ishte më me fat dhe arriti që të arkëton tre pikë duke e mundur Rabotniçkin me rezultatin 4-1. Heroi i fitores për ekipin e Pelisterit ishte Bullatoviq që realizoi hat trik dhe Kerimi 1 gol. Për Rabotniçkin shënoi Besir Demiri
Në katër ndeshje tjera që u zhvilluan të martën dhe të mërkurën e regjistruan këto rezultate; Shkëndija – Struga Trim Lum 2-0. Shkupi – Tikveshi 0-6, , Sileksi – Bashjkimi 0-0 dhe Vardari – Arsimi 5-1, AP Brera – Makedonija Gj/P 1-1 dhe Pelisteri – Rabotniçki 4-1.
TABELA: 1. Vardari 45 pikë, 2.Struga Trim Lum 41, 3.Shkëndija 39, 4.Sileksi 32, 5 Bashkimi 23, 6.Arsimi 22, 7.Tikveshi 21, 8.AP Brera 20, 9.Pelisteri 19 , 10 . Makedonija Gj.P 16, 11. Rabotniçki 7, 12.Shkupi 1 pikë
Në xhiron e 18-të takohen: Tikveshi – Shkëndija, Struga trim Lum – Sileksi, Rabotniçki – Vardari, Makedonija Gj.P – Shkupi, Arsimi – AP Brera dhe Bashkimi – Pelisteri
