23/05/2024
11.2 C
Tetovo

Të tjera lajme

Gjykata do t’i shpall aktvendimet për të akuzuarit për zjarrin në spitalin modular në Tetovë

Në Gjykatën Themelore në Tetovë sot në orën 12 duhet të merret aktvendimi për të akuzuarit në procesin gjyqësor për zjarrin në spitalin modular që ndodhi më 8 shtator 2021 ku jetën e humbën 14 persona. Më 29 maj u prezantuan fjalët përmbyllëse të Prokurorisë dhe avokatëve të të akuzuarve, pas së cilës gjykatësi Jordan Vellkovski theksoi se ka përfunduar seanca kryesore dhe se aktvendimin do ta kumtojë më 5 qershor, të hënën në orën 12.

Ish drejtorët e Spitalit klinik të Tetovës, Florin Besimi dhe Artan Etemi akuzohen për veprën penale “vepra të rënda kundër sigurisë së përgjithshme”, ndërsa mjeku Boban Vuçevski për “mosrespektim të rregullave shëndetësore gjatë epidemisë”. Spitali klinik si subjekt juridik akuzohet për dy vepra penale, së pari për “shkaktim të rrezikut të përgjithshëm” dhe “mosveprim sipas rregullave shëndetësore gjatë epidemisë”.

Të dyshuarit gjatë fillimit të gjykimit theksuan se e kuptojnë aktakuzën, por se nuk ndihen fajtorë. Gjykimi filloi në dhjetor të vitit 2022.

Edhe për sot është paralajmëruar protestë e qetë për të përkrahur dhe kërkuar lirimin e mjekut Boban Vuçevski nga një grup qytetarësh të cilët po organizohen përmes rrjeteve sociale.

Në fjalët përfundimtare, avokatët e të dyshuarve theksuan se Prokuroria nuk e ka vërtetuar fajësinë. Përfaqësuesit e Prokurorisë theksuan megjithatë se me provat dhe dëshmitë e paraqitura të akuzuarit kanë kryer veprat penale dhe kanë kërkuar që gjykata t’i shpall fajtorë.

Të fundit