Gratë mund të bëhen nëna në të 50-at e tyre, thonë shkencëtarët izraelitë që kanë rikthyer me sukses plakjen e vezëve njerëzore.
Në një zbulim të madh, studiuesit izraelitë në mënyrë efektive kanë bërë që vezët e grave 40-vjeçare të duken si vezët e një gruaje 20-vjeçare.
Femrat lindin me të gjitha vezët e tyre, por gjendja e tyre përkeqësohet me kalimin e kohës, duke e bërë më të vështirë fekondimin e vezëve të vjetra.
Ndërsa një grua mesatare në fillim të të 20-ave ka një shans 80 për qind për të mbetur shtatzënë në mënyrë natyrale brenda një viti, shanset përgjysmohen në moshën 40-vjeçare.
Studiuesit në Universitetin Hebraik të Jerusalemit kanë treguar se plakja mund të ndryshohet nga një ilaç antiviral që përdoret për të trajtuar pacientët me HIV.
Mendohet se funksionon duke parandaluar dëmtimin e ADN-së që ndodh gjatë procesit të plakjes me një ilaç që bllokon dëmtimin gjenetik gjatë infeksioneve virale.
Pas këtij suksesi, ekipi tani planifikon ta testojë atë te kafshët dhe përfundimisht te njerëzit. Ai gjithashtu shpreson se trajtimi mund të zvogëlojë rrezikun e abortit dhe defekteve të lindjes, të cilat janë më të zakonshme tek nënat e moshuara.
Gjatë procesit të plakjes në një vezë njerëzore, pjesë të ADN-së së saj mund të fillojnë të pushtojnë zona të tjera në një mënyrë të ngjashme që viruset mund të riprodhohen. Për të parandaluar këtë, shkencëtarët kanë teorizuar se një ilaç antiviral i quajtur frenues i transkriptazës së kundërt, i cili përdoret për të parandaluar dëmtimin e ADN-së në infeksionet virale, mund të ndihmojë.
Shumë gra përpiqen të mbeten shtatzënë mbi moshën 40 vjeç dhe ne mendojmë se ky trajtim mund të rrisë nivelet e tyre të fertilitetit. “Brenda 10 viteve, ne shpresojmë të përdorim ilaçe antivirale për të rritur fertilitetin tek gratë e moshuara”, tha për Times of Israel Dr. Michael Clastin, një biolog molekular që drejtoi studimin.
Ilaçi u testua fillimisht në qindra embrione të minjve përpara se të përdorej në embrionet njerëzore të mbetura pas trajtimit me inseminim artificial.
