Gjysmëfinalistët e Kupës së Maqedonisë së Veriut mesditën e kësaj të premte kanë mësuar kundërshtarët e tyre përmes shortit të hedhur në Federatën e futbollit të Maqedonisë.
Dy skuadra shqiptare Shkupi dhe Voska Sport që kanë arritur në këtë fazë janë shortuar ndaras, me dy ekipe maqedone, ku mund të takohen në finale nëse paraprakisht eliminojnë kundërshtarët e tyre në gjysmëfinale.
Ekipit i Shkupit në gjysmëfinale do të ketë përballë Tikveshin e Kavadarit, teksa Voska Sport do të luaj me Makedonija Gjorçe Petrovin.
Ndeshjet e para gjysmëfinale janë përcaktuar të zhvillohen me 3 prill, ndërsa ato të kthimit me 17 prill. Nga Federata e futbollit të Maqedonisë kanë bërë të ditur se finalja e madhe e Kupës është programuar të luhet me 22 maj nga ora 19:00.
