Çdo ditë pune nxënësit e shkollave fillore do të mund ta shfrytëzojnë pishinën e mbyllur të Komunës së Tetovës. Aktivitetet e lira filluan që nga data 24 tetor dhe nxënësit e shkollave në përkujdesje të kujdestares së klasës dhe arsimtarit të sportit do të mund të praktikojnë notin nga ora 9 deri në ora 16:00 pa pagesë. Udhëheqësi i njësisë për Sport në Komunë të Tetovës, Muhamet Avzija thotë se për shkak të interesimit të madh të nxënësve për të praktikuar not, Komunës së Tetovës i nevojiten ende më shumë pishina për të kënaqur kërkesat e fëmijëve.
Muhamet Avzija – Udhëheqës i i Njësisë për Sport në Komunën e Tetovës
Avzija tregon se kush tjetër përveç nxënësve do të mund ta shfrytëzojë pishinën e mbyllur dhe sa do të kushtonte për ta.
Muhamet Avzija – Udhëheqës i i Njësisë për Sport në Komunën e Tetovës
Plarent Salihu, arsimtari i sportit pranë shkollës fillore të mesme komunale në Tetovë Liria, thotë se noti është sporti më i rëndësishëm dhe me adekuat për zhvillimin e trupit të fëmijëve. Ai madje notin e sheh si sportin më korrektues të deformiteteve të boshtit kurrizor të fëmijët e moshës së re, që sipas tij, paraqiten në numër shqetësues tek kjo gjeneratë.
Plarent Salihu – Arsimtar i Sportit
Saliu gjithashtu thotë se interesimi i nxënësve për notin është shumë i madh se Komuna e Tetovës ka nevojë edhe për pishina të tjera për të plotësuar kërkesën që paraqitet.
Deklaratë: Plarent Salihu – Arsimtar i Sportit
Thellësia minimale e pishinës është 0.8m dhe ajo maksimalja prej 1.4m. Objektit është i pajisur me dy zhveshtore për dy gjinit, me nyje sanitare, dushe, hapësira për trajner të notit dhe refer, hapësirë për makineritë dhe magazinë për rekuizita dhe materiale të tjera. Gjithashtu, në pishinë kryhen testime të rregullta për cilësinë e ujit dhe ka aparaturë si dhe filtra bashkëkohore për pastrimin dhe rregullimin e ujit. Dimensionet e pishinës janë 33 metër e gjatë dhe 20 metër e gjërë.TV KOHA
