Katër fitore të ekipeve vendase, dy barazime dhe dy fitore të ekipeve mysafire me 29 gola të shënuar është epilogu i xhiros së 30 dhe të fundit në Ligën e dytë të futbollit vendor. Makedonija Gj.P dhe Arsimi kualifikohen në ligë të parë , ndërsa Bashkimi siguroi balotazhin për kualifikim në Ligën e parë. Banorët e Çegranit kishin organizuar pritje madhështore për heronjtë e klubit të tyre të zemrës
Arsimi i Çegranit me fitoren e thellë 4-0 kundër Vardarit në Negotino shënoi suksesin historik pikërisht në 52 vjetorin e themelimit të këtij klubi është simbol i rinisë dhe sportit i këtij vendbanimi Fitorja dhe kualifikimi në Ligën e Parë të futbollit në Maqedoninë e Veriut paraqet sukses historik dhe e arritur shumë e madhe për banorët e këtij vendbanimi të cilët kishin organizuar një pritje madhështore me fishekzjarrë dhe muzikë ku jehonte kënga shqipe në korr së bashku tifozët “ARMATA VERDHË E ZI” dhe lojtarët , Në pritje të ekipit e pranishme ishte edhe ekipi i Televizionit Koha duke siguruar opinione nga trajneri Vildan Saliju
‘’Është një moment historik, është një moment që mundesh ta përjetosh . Sidoqoftë është një rezultat i asaj për të cilën kemi punuar gjatë gjithë vitit me qytetarët me kryesinë që të mund të arrijmë këtë nivel që është një arritje historike për të gjithë ne. Në këto momente vetëm dua të them se jam shumë i kënaqur me lojtarët për gjatë gjithë vitit për angazhimin, për seriozitetin, disiplinën . Dhe ky është rezultati i tyre . Ata e kanë merituar më shumë se gjithë’’ deklaroi trajneri Vildan Saliju
Skuadra e Bashkimit përkundë presioneve të shumta, shënoi fitore të madhe dhe atë në Shtip kundër Bregallnicës 1-0 në takimin që drejtë për drejtë vendosi se cila nga këto skuadra do të siguron balotazhin për kualifikim në Ligën e parë. Autor i golit për këtë fitore të rëndësishme ishte Emir Asani në minutën e 9-të të pjesës së parë. Bashkimi ndeshjen e balotazhit do ta zhvillon kudër ekipit Besa të Dobërdollit më 25 maj.
Makedonija Gj.P para publikut vendas barazoi me Bellasicën por fal gol-averazhit më të mirë mbetet kampion në Ligën e dytë edhe pse kanë po aq pikë sa edhe Arsimi në vendin e dytë.
REZULTATET: Vardari – Arsimi 0-4, Bregallnica – Bashkimi, 0-1 Boreci – Ohri 4-1, Detonit Plaçkovica – Pobeda 2-2, Skopje –Kamenica Sasa 3-2, Kozhufi – Novaci 5-1, Makedonija Gj.P – Bellasica 0-0, Osogova – Vardarski 4-0.
Shaban SINANI – TV Koha
