21/04/2024
7.3 C
Tetovo

Të tjera lajme

Konfiskohen 50.600 euro në Aeroportin e Shkupit, u gjetën në valixhen të një udhëtari

Drejtoria e Doganave njofton se ka konfiskuar 50.600 euro në Aeroportin e Shkupit, shkruan TV21. Të njëjtat janë gjetur të fshehura në valixhen e një udhëtari që po vinte nga Stambolli.

“Janë konfiskuar 50.600 euro, të cilat pasagjeri në hyrje të shtetit nuk i ka paraqitur te doganierët në pikën doganore në Aeroportin e Shkupit. Pasagjeri që po udhëtonte nga Stambolli në hyrje vendosi të kalonte përmes “kanalit të gjelbër”, ku kalojnë njerëzit që nuk kanë asgjë për të deklaruar. Doganierët e përzgjodhën për kontrollë dhe në valixhen e tij personal u gjetën valuta në vlerë prej 60.600 euro. Sipas Ligjit për Punë me Deviza, pasagjerit i janë kthyer 10 mijë euro, ndërsa pjesa tjetër me aktvendim gjyqësorë i janë marrë personit”, thonë nga Drejtoria e Doganave./tv21.tv

Të fundit